What We Did on Our Holidays

What We Did on Our Holidays er det andre albumet til bandet Fairport Convention og var det første med Sandy Denny, som med «ei uforgløymeleg, overjordisk stemme gav Fairport eit stort løft» i følgje kritikaren i Allmusic.^[4] Med dette albumet tok dei eit steg mot folkrockstilen dei vart kjende for, mellom anna med populære songar som «Fotheringay», og songen bandet tradisjonelt avsluttar konsertane sine med, «Meet on the Ledge».^[5]

What We Did on Our Holidays Studioalbum av Fairport Convention
Språk	engelsk
Utgjeve	Januar 1969
Innspelt	Juni – oktober 1968
Studio	i Kingsway og Olympic Studio No. 1
Sjanger	Folkrock, folk[1]
Lengd	38:07
Selskap	Island ILPS 9092 (Storbritannia) A&M SP 4185 (USA)
Produsent	Joe Boyd
Fairport Convention-kronologi
Fairport Convention (1968)	What We Did on Our Holidays	Unhalfbricking (1969)
Singlar frå «What We Did on Our Holidays»
«Meet on the Ledge» Utgjeve: 1968. desember «I'll Keep It With Mine» Utgjeve: 1969, berre i USA

Meldingar
Karakter
Kjelde	Karakter
Allmusic	[1]
Rolling Stone	(positiv) [2]
The Village Voice	(A−)[3]

Historie

Etter at Judy Dyble forlet bandet, utførte bandet prøvespelingar for å finne ein erstattar og Sandy Denny var eit opplagt val. Simon Nicol har sagt «det var berre ein vinnar...ho stod ut som eit reint glas i ein kum full av skitten oppvask».^[6]

Albumet har av forfattaren Richie Unterberger vorte skildra som «ein nær perfekt balanse mellom nyskapande omarbeidingar av tradisjonelle folkesongar ... gode coverversjonar av andre folkrockartistar, nokre ganske ukjende ... og originale folkrocksongar av forskjellige bandmedlemmer.»^[7] Simon Nicol har sagt at dette albumet er favoritten hans.^[8]

Plateomslaget syner ei teikning av bandet som spelar, skildra på omslaget som «frå ei tavle angripen av Fairport Convention»^[9]. På nytutgjevinga på Island Masters frå 1990 finn ein òg eit portrett av Sandy Denny.

I USA vart albumet gjeven ut av A&M Records (SP-4185) med akkurat dei same songane, men anna plateomslag. Plata vart òg kalla Fairport Convention.^[10]

Mottaking

I ei melding i The Village Voice då albumet kom ut, skreiv den amerikanske kritikaren Robert Christgau at Fairport Convention var «den mest interessante, ukjende gruppa» han hadde høyrt på ei stund, og trekte fram deira variant av «Pentangle-aktige balladar» og Bob Dylan sin «I'll Keep It with Mine».^[3] Neal Casal, frå Ryan Adams and the Cardinals omtalte seinare What We Did on Our Holidays som eit av favorittalbuma.^[11]

Innhald

Side ein

Nr.	Tittel	Låtskrivar(ar)	Lengd
1.	«Fotheringay»	Sandy Denny	03:06
2.	«Mr Lacey»	Ashley Hutchings	02:55
3.	«Book Song»	Iain Matthews, Richard Thompson	03:13
4.	«The Lord Is in this Place...How Dreadful Is this Place» (basert på «Dark Was The Night, Cold Was The Ground» av Blind Willie Johnson)	Hutchings, Thompson, Denny	02:01
5.	«No Man's Land»	Thompson	02:32
6.	«I'll Keep It With Mine»	Bob Dylan	05:56

Side to

Nr.	Tittel	Låtskrivar(ar)	Lengd
7.	«Eastern Rain»	Joni Mitchell	03:36
8.	«Nottamun Town»	trad. arr. av Denny, Matthews, Thompson, Simon Nicol, Hutchings, Martin Lamble	03:12
9.	«Tale in Hard Time»	Thompson	03:29
10.	«She Moves Through the Fair»	trad. arr. av Denny, Matthews, Thompson, Nicol, Hutchings, Lamble	04:14
11.	«Meet on the Ledge»	Thompson	02:50
12.	«End of a Holiday»	Nicol	01:07

Bonusspor på nyutgjeving

Nr.	Tittel	Låtskrivar(ar)	Lengd
13.	«Throwaway Street Puzzle»	Hutchings, Thompson	03:26
14.	«You're Gonna Need My Help» (konsertopptak for Symonds on Sunday på BBC Radio)	McKinley Morgelfield	04:08
15.	«Some Sweet Day»	Felice and Boudleaux Bryant	02:32

Medverkande

• Sandy Denny (som Alexandra Elene MacLean Denny) - Vokal, akustisk & 12-strengs akustisk gitar, orgel, piano, cembalo
• Iain Matthews - vokal, congatrommer
• Richard Thompson - elektrisk, akustisk & 12-strengs akustisk gitar, piano, trekkspel, vokal
• Ashley Hutchings -bass, korvokal
• Simon Nicol - elektrisk & akustisk gitarar, elektrisk autoharpe, elektrisk dulcimer, korvokal
• Martin Lamble - trommer, perkusjon, fiolin, tabla & fotsteg

med:

• Bruce Lacey & his Robots på «Mr. Lacey»
• Claire Lowther - Cello på «Book Song»
• Kingsley Abbott - Myntar på «The Lord Is In This Place...», korvokal på «Meet on the Ledge»
• Paul Ghosh, Andrew Horvitch & Marc Ellington - Korvokal på «Meet on the Ledge»
• Peter Ross - Munnspel på «Throwaway Street Puzzle»

Produkskjon

• Innspelt i Sound Techniques, London og Olympic Studio nr. 1, London (bortsett frå «The Lord Is In This Place...» spelt inn i St. Peter's Church, Westbourne Grove, West London. Tilleggspor vart spelt inn i Morgel Studios
• Lydteknikar John Wood, Sound Techniques, London