Wind of Change av Peter Frampton

Wind of Change er det første soloalbumet til den engelske musikaren Peter Frampton. Det kom ut i 1972. Gjesteartistar på albumet er mellom andre Ringo Starr, Billy Preston og Klaus Voormann.

Wind of Change Studioalbum av Peter Frampton
Utgjeve	26. mai 1972 (Storbritannia) 10. juli 1972 (USA)
Innspelt	Oktober 1971 - april 1972
Studio	Olympic Studios og Island Studios i London
Sjanger	Rock, hardrock
Lengd	43 min
Selskap	A&M
Produsent	Peter Frampton Chris Kimsey
Peter Frampton-kronologi
	Wind of Change	Frampton's Camel (1973)

Meldingar
Karakter
Kjelde	Karakter
Rolling Stone	(positiv) [1]
Allmusic	[2]

Bakgrunn

Peter Frampton valde å bli verande med Humble Pie sitt amerikanske selskap, A&M, etter han slutta i det bandet i 1971. Han sette saman ei imponerande samling musikarar for innspelinga av debutalbumet, med Ringo Starr,^[3] Billy Preston, Spooky Tooth-medlemmane Mick Jones og Mike Kellie, og det tidlegare Herd-medlemmet Andy Bown.

Det sjølvproduserte debutalbumet vart spelt inn med Chris Kimsey som lydteknikar. Han hadde arbeidd på Humble Pie sitt Rock On. Kinsey introduserte ei melodisk følsemd som stod i kontrast til den bråkete boogie-rocken som prega stilen til Humble Pie, og la særleg vekt på den akustiske gitarspelinga til Frampton.

Songane på Wind of Change er hovudsakleg bygde kring akustisk gitar, men songar som «It's a Plain Shame» og «All I Want To Be (Is By Your Side)» har ein hardare rockestil. Det same har versjonen av Rolling Stones sin «Jumpin' Jack Flash», som var den einaste coverlåten på albumet.

Innhald

Alle songane er skrivne av Peter Frampton, utanom «Jumpin' Jack Flash», skriven av Mick Jagger og Keith Richards

Side ein

Nr.	Tittel	Lengd
1.	«Fig Tree Bay»	3:36
2.	«Wind of Change»	3:05
3.	«Lady Lieright»	2:56
4.	«Jumpin' Jack Flash» (Jagger, Richards)	5:20
5.	«It's a Plain Shame»	3:14
6.	«Oh for Another Day»	3:53

Side to

Nr.	Tittel	Lengd
7.	«All I Wanna Be (Is by Your Side)»	6:36
8.	«The Lodger»	5:44
9.	«Hard»	4:30
10.	«Alright»	4:26

Medverkande

• Peter Frampton – solovokal, sologitar, akustisk gitar, orgel, klaverinstrument, trommer, perkusjon, dulcimer, harmonium, vokal
• Frank Carillo – rytmegitar, korvokal
• Mick Jones – rytmegitar på «All I Want To Be (Is By Your Side)»
• Andy Bown – bass, organ, elektrisk piano, mellotron, perkusjon, korvokal
• Rick Wills – bass
• Klaus Voormann – bass på «Alright»
• Billy Preston – piano, orgel på «Alright»
• Mike Kellie – trommer, perkusjon
• Ringo Starr – trommer, perkusjon^[3] på «Alright» og «The Lodger»
• Chris Karan – congatrommer på «Lady Lieright»
• Frank Ricotti – shaker på «Lady Lieright»
• Del Newman – strykearrangement, fløyte, marimba
• Jim Price – messingblåseinstrument på «The Lodger»

Produksjon

• Produsentar: Peter Frampton, Chris Kimsey
• Lydteknikarar: Peter Frampton, Chris Kimsey

Salsliste

Album

År	Liste	Plassering
1972	Pop Albums	177

Single

År	Singel	Liste	Plassering
1972	Jumpin' Jack Flash
1972	It's A Plain Shame