Volof-folk

Volof (også skrive wolof) er eit folk i Senegal, Gambia og Mauritania. Språket deira er volof.

Tradisjonelle buområde for volof-folk i Vest-Afrika.

Volof-kvinne med barn fotograpert i 1902.

Youssou N'Dour frå Senegal er ein kjend volof-songar.

Busetnad

I Senegal er volofane den største folkegruppa ved at rundt 40 % av folkesetnaden identifiserer seg som volof. Dei er fleirtalet i området som strekkjer seg frå Saint-Louis i nord, Kaolack i sør og Dakar i vest. Derimot er det få volofar i Casamance. I Gambia er rundt 15 % av folkesetnaden volof. Dei utgjer ein minoritet i eit land der mandinkaene utgjer 40 % av innbyggjarane, men volofspråk og -kultur har uforholdsmessig stor tyding sidan volofane utgjer halvparten av folkesetnaden i hovudstaden Banjul. I Mauritania er omkring 7 % av folkesetnaden volof. Dei bur for det meste i dei sørlege kystområda til landet.

Kjende volofar

• Youssou N'Dour, senegalesisk songar
• Ousmane Sembène, senegalesisk forfattar og regissør
• Abdoulaye Wade, president i Senegal