You've Got a Habit of Leaving

«You've Got a Habit of Leaving» er ein song skriven av David Bowie i 1965 og gjeven ut som singel under namnet Davy Jones (& The Lower Third). Det var den siste songen Bowie, fødd David Jones, gav ut før han endra namn for å ikkje forvekslast med Davy Jones frå The Monkees, og den første av to singlar som han spelte inn med The Lower Third etter å ha gått frå det førre bandet sitt, The Manish Boys. B-sida til singelen var «Baby Loves That Way». Begge singlane var produserte av Shel Talmy.

You've Got a Habit of Leaving Singel av Davy Jones and The Lower Third
B-side	«Baby Loves That Way»
Språk	engelsk
Utgjeve	20. august 1965
Innspelt	IBC Studios i London
Sjanger	Rock
Lengd	2:35
Selskap	Parlophone R5315
Låtskrivar(ar)	Davy Jones (David Bowie)
Produsent	Shel Talmy
David Bowie-kronologi
«I Pity the Fool» The Manish Boys (1964)	You've Got a Habit of Leaving	«Can't Help Thinking About Me» David Bowie & The Lower Third (1966)

Med The Lower Third gjekk Bowie bort frå amerikanisert R&B, som hadde dominert dei to tidlegare singlane hans, og flytta seg mot Who-aktig mod-musikk. Ein typisk konsert på denne tida inneheld derimot «Mars» frå Gustav Holst sin Planetar og «Chim Chim Cheree» frå Mary Poppins. Den framtidige manageren til Bowie, Ken Pitt, såg ein av desse konsertane på midten av 1960-åra, der bandet avslutta med Rodgers and Hammerstein-songen «You'll Never Walk Alone».

Medverkande

• Davy Jones: Vokal, Saksofon
• Dennis Taylor: Gitar
• Graham Rivens: Bass
• Phil Lancaster: Trommer

Andre utgjevingar

• Begge songane på singelen vart gjevne ut att på ny av EMI i Storbritannia den 2. mars 1979 på B-sida av ein 10" vinyl. På A-sida var to songar Bowie tidlegare gav ut med The Manish Boys, «I Pity the Fool» og «Take My Tip». På omslaget var det eit bilete av Bowie med The Lower Third. Denne minisamlinga vart gjeven ut att på ny av See For Miles Records i oktober 1982, og som ein 12" biletdisk i juni 1985.
• Songen finst òg på samlinga Early On (1964-1966) frå 1991.
• Bowie spelte inn ein ny versjon av songen, nesten dobbelt så lang, i 2000 for albumet Toy, som aldri kom ut. Denne finst på den europeiske utgåva av singelen «Slow Burn» og den britiske utgåva av singelen «Everyone Says 'Hi'».

Kjelder

• Denne artikkelen bygger på «You've Got a Habit of Leaving» frå Wikipedia på engelsk, den 27. april 2011.
  • Wikipedia på engelsk oppgav desse kjeldene:
  • Roy Carr & Charles Shaar Murray (1981). Bowie: An Illustrated Record: s. 19,101
  • David Buckley (1999). Strange Fascination - David Bowie: The Definitive Story, s. 30,50-51