Zanjan-provinsen

Zanjan-provinsen (persisk استان زنجان Ostān-e Zanjān, aserbajdsjansk Zəncan ostanı) er ein av 31 provinsar i Iran. Han ligg i Iransk Aserbajdsjan og folkesetnaden er aserbajdsjanarar.^[3] Hn er ein del av Region 3 i Iran.^[4] Provinshovudstaden er Zanjan. Provinsen dekkjer eit areal på 36 400 km² og har like over éin million innbyggjarar (2011), som for det meste bur på landsbygda.^[5] Provinsen ligg 330 km nordvest for Teheran.

Zanjan Zəncan
زنجان
Provins
Land	Iran
Region	Region 3
Fylke	8
Hovudstad	Zanjan
Areal	21 773 km²
Folketal	1 057 461 (2016)[1]
Språk	• persisk (offisielt)  • aserbajdsjansk (majoritet)  • tatisk  • kurdisk[2]
Tidssone	IRST (UTC+03:30)
•  Sommartid	IRST (UTC+04:30)
Zanjan-provinsen 36.6751°N 48.4845°E / 36.6751; 48.4845
Wikimedia Commons: Zanjan Province

Geografi og klima

Zanjan dekkjer kring 1,34 % av Iran. Folketettleiken er kring 4,25 personar per km². Zanjan grensar til Aust-Aserbajdsjan, Vest-Aserbajdsjan, Hamadan, Kurdistan, Gilan, Ghazvin og Ardabil.

Av shahrestan, eller fylke i Zanjan-provinsen, finn ein:

• Abhar fylke
• Eejrud fylke
• Khodabandeh fylke
• Khorramdarreh fylke
• Zanjan fylke
• Tarom fylke
• Mahneshan fylke

Zanjan har eit fjellklima prega av kalde, snørike vintrar i fjella og moderat klima på slettene om vinteren. Om sommaren er vêret varmt. Den normale maksimumstemperaturen er kring 27 °C, medan den normale minimumstemperaturen om vinteren er –19 °C. Temperaturer over 30 ºC er derimot ikkje uvanleg på varme dagar, og heller ikkje temperaturer ned til –27 °C om vinteren.