Bordèu
una comuna francesa / From Wikipedia, the free encyclopedia
Bordèu (Bordels o Bordelz en occitan ancian[4][5], Bordeaux en francés) es la capitau de Guiana, vila principau de Gasconha, atau com prefectura de Gironda e capitau de Novèla Aquitània.
Non deu èsser confondut amb Bordèus. |
Non deu èsser confondut amb Bordeaux. |
Cal melhorar l'escritura d'aquel article. |
En 2020, la comuna de Bordèu que tien ua populacion de 263 247 abitants[6] per ua superfícia de 49,36 km². La soa devisa en latin es lilia sola regunt lunam, undas, castra, leonem.
La vila es coneishuda dens lo monde tot entà son vinhau, sustot dumpui lo sègle xviii, que fut per era un vertadèir atge d'aur. Bordèu es situat geograficament au ras de las Lanas de Gasconha.
Despuish junh de 2007, dab mei de 1 810 ectaras, que s'agí de la mei grana vila protegida au monde dab l'inscripcion deu Pòrt de la Lua sus la lista deu patrimòni mondiau de l'UNESCO, entà la soa unitat arquitecturau classica e neoclassica perdurant despuish la debuta deu sègle xviii representant «un ensemble de bens culturaus e naturaus d'un interès excepcionau entà l'eretatge comun de l'umanitat.»