Francés
lenga romanica / From Wikipedia, the free encyclopedia
Lo francés (autonim: français, prononciat [fʁɑ̃sɛ]) es una lenga romanica. Es la lenga oficiala de França e es una dei lengas oficialas de Belgica (Valonia, Region de Brussèlas Capitala), de Canadà, de Soïssa. Tanben es lenga oficiala dins certaneis estats non europèus que foguèron a passat temps de colonias francesas ò belgas, especialament en Africa.
Français | |
Parlat en | França, Canadà, Belgica, Soïssa e 52 autres estats |
---|---|
Region | Euròpa Occidentala, Africa, Asia, America |
Locutors | 274 milions de |
Classament | 11ena |
Tipologia | SVO Flexionala - Sillabica |
Classificacion lingüistica | Lengas indoeuropèas |
Estatut oficial | |
Oficial de | Belgica Benin Burkina Faso Burundi Cameron Canadà Centrafrica Chad Comòras Còsta d'Evòri Republica Democratica de Còngo Jiboti Guinèa Eqüatoriala França Gabon Guinèa Haití Luxemborg Madagascar Mali Mónegue Nigèr Republica de Còngo Rwanda Senegal Seichèlas Soïssa Tògo Vanuatu Nacions Unidas Union Europèa |
Acadèmia | Acadèmia francesa Délégation générale à la langue française et aux langues de France Service de la langue française (Belgica) Office québécois de la langue française (Quebèc) |
Estatut de conservacion | |
EXExtinct (Atudat) CRCritically endangered (En dangièr critic)
SESeverely endangered (En dangièr sevèr)
DEDevinitely endangered (En dangièr definitiu)
VUVulnerable (Vulnerable)
NENot Endangered (Non en dangièr) Classada coma lenga segura (NE) per l'Atlàs de las lengas menaçadas dins lo mond | |
Còdis lingüistics | |
ISO 639-1 | fr |
ISO 639-2 | fre fra |
ISO 639-3 | fra |
Ethnologue | fra |
Glottolog | stan1290 |
Linguasphere | 51-AAA-i |
ASCL | 2101 |
IETF | fr |
Mòstra | |
la Declaracion dei Drechs Umans. | |
Mapa | |
Aquel article conten de simbòls AFI. Sens presa en carga apropriada de l'apercebut, riscatz de veire de punts d'interrogacion, de las casas o d'autres simbòls en plaça de caractèrs Unicode. Per un guida d'introduccion als simbòls AFI, consultatz Ajuda:AFI. |
Eissit dau latin popular parlat a la fin de l'Empèri Roman d'Occident en Gàllia, es probablament aparegut entre lei sègles VIII e IX dins l'espaci d'oïl. Durant la segonda mitat de l'Edat Mejana, perdiguèt lei trachs caracteristicas dau latin, coma lei declinasons, per adoptar son aspècte actuau vèrs lo sègle XIV. Lenga dau poder reiau, foguèt adoptat coma lenga de l'administracion e de la justícia dau Reiaume de França en 1539. En parallèl, foguèt l'objècte d'un important procès de codificacion e de creacion de vocabulari. Aquò permetèt de l'estructurar e de li donar un prestigi important, renfòrçat per la poissança dei rèis de França. Ansin, a partir dau sègle XVII, venguèt la lenga veïculara de l'elèit europèu.
La Revolucion Francesa marquèt una etapa importanta dins l'istòria de la lenga. D'efiech, desenant considerat coma la lenga deis idèas revolucionàrias e de la filosofia dei Lutz, foguèt pauc a pauc impausat coma la lenga de la Republica. Aqueu procès durèt fins a l'entre doas guèrras e entraïnèt lo declin deis autrei lengas parladas sus lo territòri francés (coma l'occitan). Durant aqueu periòde, l'expansion coloniala francesa implantèt la lenga dins plusors regions dau mond en America, en Africa e, dins una mendra mesura, en Asia e Oceania. Pasmens, amb lo declin de França, lo francés perdiguèt una partida de son prestigi au profiech de l'anglés.
Pasmens, au començament dau sègle XXI, aqueu declin demòra relatiu en causa de l'influéncia culturala francesa dins lo mond. Dins leis ans 2010, lo francés èra ansin parlat per 321 milions de personas. Aquela chifra èra en aumentacion rapida gràcias a la creissença demografica dau continent african. Segon plusors estimacions, aqueu nombre deuriá se situar entre 368 milions e 1,2 miliard en 2060. De mai, es lenga oficiala de la màger part deis institucions internacionalas. Enfin, es totjorn classat dins lei lengas de cultura gràcias au prestigi de la literatura francesa.