![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/de/Jocaste_BnF_Fran%25C3%25A7ais_599_fol._21v.jpg/640px-Jocaste_BnF_Fran%25C3%25A7ais_599_fol._21v.jpg&w=640&q=50)
Jocasta
From Wikipedia, the free encyclopedia
Dins la mitologia grèga, Jocasta, Iocasta (en grèc ancian Ἰοκάστη / Iokástê) o Epicasta (Ἐπικάστη / Epikástê) dins l’Odissèa, filha de Menecèu e sòrre de Creont, es l'esposa de Laïos, puèi del seu filh, Edip, de qui aurá quatre enfants, dos mascles (Eteocles e Polinice) e doas filhas (Ismèna e Antigòna). Se penjèt quand aprenguèt la vertat suls rapòrts amb Edipe.
![Thumb image](http://upload.wikimedia.org/wikipedia/commons/thumb/d/de/Jocaste_BnF_Fran%C3%A7ais_599_fol._21v.jpg/320px-Jocaste_BnF_Fran%C3%A7ais_599_fol._21v.jpg)
Jocasta aparéis totjorn al reire plan dins los mites coma dins las tragèdias grègas. Doas pèças conservadas la meton en scèna coma personatge: l’Edip rei de Sofòcles e Las Fenicianas d'Euripides. Aquela darrièra òbra presenta lo parelh incestuós encara en vida de temps après la revelacion, al moment del dual fratricidi de lors dos filhs: es a l'eissida d'aquel combat fatal que morrís se suicidant sus seus cadavres [1].