Acer campestre

L'Argelabre (Acer campestre) es una espècia de plantas de flors del genre Acer qu'aparten a la familha Aceracèas (Sapindaceae segon la classification APG III). Es un arbre classat dins la seccion Platanoidea de la classificacion dels agasts.

Acer campestre

Argelabre,
fuèlhas e fruits.

Classificacion de Cronquist (1981)

Règne	Plantae
Sosrègne	Tracheobionta
Division	Magnoliophyta
Classa	Magnoliopsida
Sosclassa	Rosidae
Òrdre	Sapindales
Familha	Aceraceae
Genre	Acer

Nom binominal

Acer campestre
L., 1753

Reparticion geografica

Descripcion

Es un arbre que pòt aténher 10 mètres^[1], de la rusca grisa pala, fendilhada, de fuèlhas pichonas caducas simplas amb mai d'un lòbes arredondits, de flors verdosas qu'apareisson abans las fuèlhas. Sa durada de vida pòt aténher 150 ans. Los fruits son de samaras doblas (disamaras) d'alas orizontalas.

Distribucion

Comun dins Euròpa tota entrò lo sud de Suècia. Es lo sol agast indigèn del sud d'Anglatèrra e es naturalizat en Irlanda.

Caracteristicas

• Tipe d'inflorescéncia : corimbe
• Reparticion dels sèxes : poligam
• Tipe de pollinizacion : anemogama
• Periòde de florason : març / abril

Grana

• Tipe de fruit : disamara
• Mòde de disseminacion : anemocòr

Fusta

• Fusta blanca, de vaissèls diffus (grain fin), omogèn, semblant a la fusta dels autres agasts

Abitat e reparticion

• Abitat tipe : bòsques caducifoliats medioeuropèus, planitiaris-collinèus, neutrofils
• Airal de reparticion : eurasiatic meridional

^[2]

Compausants quimics

Fitosteròls, còlina, alantoïna, tanins

Donnadas autecologicas

Ecograma d’après Jean-Claude Rameau et al.

• eliofil o de mièja-ombra ;
• espècia mesoxerofil a mesofil ;
• caractèr indicator : calciclina ;
• umús : mull carbonatat a mull mesotròf (optinum : mull eutròf); sòls rics en basas e en azòt; pH basic a neutre ;
• materials (purs o peirós) : colluvions limononosas, argilas de decarbonacion^[3].

Usatges

Orticòl

• Utilizat dins las baranhas de boscatge
• Utilizat en baranha talhadas
• Utilizat dins l'art del bonsai

Farmacopèa

* Partida utilizada : Rusca

• Mòde d'emplec : Decoccion
• Proprietat: Astringent, leugièrament

Son accion astringenta lo fa utilizar en cosmetica (pèls coparosadas) ^{[cal referéncia]}

Consomacion umana

Amb la sèva sucrada, se prepara un siròp. Las fuèlhas jovas se consoman dins las saladas mescladas^[4].

Planta melifèra.

Autres usatges

• ebenistariá, marquetariá. Las raices noseludas foguèron utilizadas per fabricar de pipas^[5].
• menusariá (resista als insèctes)
• Bona lenha, de nauta densitat^{[cal referéncia]}.