Agung

Agung (prononciar Agong), es un volcan actiu de l'illa de Bali, en Indonesia. Lo mont Agung es situat dins lo centre d'Indonesia, dins l'oèst de las Pichòtas illas de la Sonda e dins l'èst de Bali. Es enrodat al nòrd èst per la mar de Bali, a l'èst per lo Seraja, un vièlh massís volcanic, al sud per l'estrech de Lombok e al nòrd oèst per lo Batur^[1].

Agung
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Agung vist dempuèi los camps de ris
Geografia
Altitud	2 995 m
Massís	Bali
Coordenadas geo.	8° 20′ 31″ S, 115° 30′ 29″ E
Administracion
País	Indonesia
Region
Subdivision
Ascension
Primièra ascension
Via pus aisida
Geologia
Edat
Ròcas
Tipe	estratovolcan
Activitat	actiu
Darrièra erupcion	Dempuèi lo 21 de novembre de 2017
Còde	264020
Observatòri volcanologic	Ministèri de l'Energia e de las Ressorsas Naturalas d'Indonesia

Las pendas escarpadas e regularaes de l'Agung li confèron una forma semetrica tipica dels estratovolcans^[1]. Es coronat per un cratèr de 800 mètres de diamètre^[1] que culmina a aperaquí 3000 mètres d'altitud. Los pes del volcan e lo bas de sas pendas son densement poblats e intensament cultivats, en rason la fertilitat dels sòls volcanics.

Modèl numeric de terrenh: vista en perspectiva d'una part de Bali amb Agung a esquèrra e Batur a dreita.

Istòria

Nívol volcanic que s'enauça del cratèr somital de l'Agung lo 27 de novembre de 2017.

Pauc d'erupctions son coneguda sur l'Agung, sonque quatre dempuèi la colonizacion pels europèus, en 1808, 1843, del 18 de febrièr de 1963 al 27 de genièr de 1964^[1] e dempuèi lo 21 de novembre de 2017. Son de tipe explosiu, pron poderosas amb d'indicis d'explosivitat volcanica podent anar fins a 5^[1].

Le 18 de febrièr de 1963, los abitants ausigèron de fòrtas explosions e vegèron de nivols desubre lo cratèr de l'Agung. Lo 24 de febrièr, de coladas de lava foguèron emesas sul versant septentrional de la montanha per finalament efectuar un trajècte de set quilomètres dins los 20 jorns seguents. Lo 17 de març, lo volcan produguèt d'explosions d'indici 5 en envejant de débris entre uèit e detz quilomètres dins los aires^[2]. De flusses piroclastics devastèront nombroses vilatges, tuant aperaquí 1 500 personas. De lahars, produits per las importantas precipitacions, tuèron 200 personas de mai. Una segonda explosion, le 16 de mai, engendrèt de nòvas coladas piroclasticas que tuèron encara 200 abitants^[3]. De coladas de lava passèron a qualques desenas de mètres del temple de Besakih.

A partir de setembre de 2017, l'aparicion d'una activitat sismica fa crénher a las autoritats un risc d'erupcion iminenta. Lo 22 de setembre, an decretat l'alerta maximala e ordonat l'evacuacion de 75 000 personas dins un perimètre de onze quilomètres a l'entorn de l'Agung^[4]. Lo volcan s'apasima a la mi-octobre ; pasmens, lo 21 de novembre 2017, escopís un nívol de cendres e de vapor qui s'enauça a 700 mètres desubre lo volcan^[5]. L'erupcion s'intensifica lo 25 de novembre^[6] e provoca de perturbacions del trafèc aerian del 26 al 28 de novembre^[7].