Ahura Mazda

Ahura Mazda es una divinitat importanta dins l'espaci iranian de l'Antiquitat Auta ai Temps Modèrnes. Ocupa un ròtle centrau dins lo mazdeïsme, lo zervanisme e lo zoroastrisme. Dins lo mazdeïsme, èran l'incarnacion dau Ben, lo « Senhor Savi », que luchava còntra lei demònis menats per Ariman. Dins lo zoroastrisme, aquela vision dualista foguèt reformada e Ahura Mazda i ganhèt la posicion de dieu unic e creator dau monde ordonat. Èra ansin lo creator dei principis bòn e marrit presents en cada èsser uman. Lo zervanisme es una religion ipotetica qu'auriá facilitada la transicion entre lo mazdeïsme e lo zoroastrisme. Ahura Mazda i tèn un ròtle similar au mazdeïsme. Pasmens, dins lei tres religions, Ahura Mazda e lo Ben son presentats coma venceires dau combat còntra lo Mau a la fin dei temps.

Ahura Mazda sus la tomba de Xerxès.

Ahura Mazda es sovent associat amb lo fuòc^[1].

Liames intèrnes

• Fuòc
• Mazdeïsme
• Zervanisme
• Zoroastrisme

Bibliografia

• Pierre Briant, Histoire de l’Empire perse, de Cyrus à Alexandre, Fayard, 1996.