Alhon (riu)

Alhon [aˈju] o [ajˈwœ]^[1] (l'Ailloux en francés) es un riu que cola en Auvèrnha, dins le departament dau Puèi de Doma e la region administrativa Auvèrnha Ròse Aups. Aquò-es un afluent de l'Aiga Maire en riba dreita, donca un sosafluent d’Alèir puèi de Leire.

Non confondre amb Alhon.

Alhon

Tipe	Riu
Localizacion
Estat	Occitània,  França
Boca	Aiga Maire
Bacin idrografic	conca de l'Allier (ca)
Donadas
Dimensions	37,2 () km

Geografia

Alhon pren sa sorsa dins los monts dau Liuradés a 956 mètres d'altituda, près dau vialatge dau Boisson (comuna d'Eschandalís). L'endreit se tròba près dau Bòsc de Mauchet (1095 mètres). Le riu s'orienta d'abòrd nòrd-oèst jusqu'au luòc dit eponim ; pren en seguida la direccion oèst e s'enfonça dins de gòrjas. Après Sugèiras vira au sud-oèst puèi au sud jusca sa confluença en riba dreita 'bei l'Aiga Maire, a la limita de las comunas d'Aulhat e Flat e de Parentinhat.

Comunas traversadas

Alhon lonja o ben travèrsa v-uèit comunas, totas situadas dins le Puèi de Doma.

• Eschandalís, Ausèla, Bòrsa, Sugèiras, Manluòc, Barnat, Aulhat e Flat, Parentinhat.

Afluents

Alhon compta quinze afluents referenciats^[2] :

• Riu de la Pradariá
• Riu de Rangoux (en francés)
• Riu de Flassac
• Riu de Raiat
• Riu de las Forchas
• Riu de Pratnòu
• Riu de Ròcha
• Riu l'Alhon
• Le Crinzoux (en francés)
• Riu daus Rivaus
• Riu de la Martre (en francés)
• Riu de l'Estanh

Idronimia

Segon los Fénié, vendriá d'una racina preceltica *al-^[3], benliau una variacion de ar-, coma retrobèm dins "Alèir", que signifiariá "ribèira dont la valada sembla una plana".

Per ce qu'es dau biais d'escriure, la grafia francesa fariá pensar 'bei una fòrma occitana Alhós, mas la prononciacion [ajˈwœ] relevada vès Bòrsa indica clarament que s'agís d'un diminutiu -on.

Veire maitot

• La lista de las ribèiras de França
• Leire