Manluòc

Manluòc [mãˈʎɔ]^[2][3][4], [ˈmãʎɔ]^[5] o enquèra [mãj]^[6] (Manglieu en francés) es una comuna occitana dau departament dau Puèi de Doma e la region de la region d'Auvèrnhe Ròse Aups, ancianament d'Auvèrnhe.

Manluòc Manglieu
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Plaça principala de Manluòc.
Geografia fisica
Coordenadas	45° 36′ 43″ N, 3° 21′ 06″ E
Superfícia	21,09 km²
Altituds  · Maximala  · Minimala	646 m 399 m
Geografia politica
Region istorica	Auvèrnhe
Estat	França
Region 84	Auvèrnhe-Ròse-Aups, ancianament d'Auvèrnhe
Departament 63	Puèi de Doma
Arrondiment	de Clarmont-Ferrand
Canton	de Vic la Còmte
Intercom 246301154	Mond'Arverne Comunautat (SIREN 200069177)
Cònsol	Michèle Brousse (2014-2020)
Geografia umana
Populacion Populacion totala (2013)	470 ab. Evolucion de la populacion 478 ab.
Densitat	22,29 ab./km²
Autras informacions
Gentilici	le monde d'oès Manluòc[1]
Còde postal	63270
Còde INSEE	63205

Geografia

Veguda de Manluòc e de son entorn.

La comuna de Manluòc es situada a 34 km de Clarmont-Ferrand, a mièi chamin sobre la rota 9 entre Bilhòm e Soire.

Le riu Alhon passa, d'amont en aval: Le Montelh, La Farja, La Romàndia, Manluòc, Bernadèla, Les Peslières, Tarranhac, Montmoi, La Petite Sarre, e La Gravèira.

Le vialatge de La Gravèira es partajat entre las comunas de Manluòc e Aulhac e Flac. Le nòrd fai partida de la comuna de Manluòc.

Perimètre dau territòri

Comunas confrontantas de Manluòc

Saledas		Sartiaus
Sent Babèl		Sugèiras
Aulhac e Flac		Çausselenjas

Vialatges e luòcs dits

• Augèir [oˈd͡zɛj] (fr. Auger).
• La Bana [lɔ.ˈbanɔ] (fr. La Banne).
• Bernadèla [baʁnaˈdælɔ] (fr. Bernadelle).
• Bona Pausa [ˈbunɔ.ˈpɔzɔ] (fr. Bonne Pause).
• Le Brugeiron [lə.bʁyd͡zejˈʁwœ] (fr. Le Brugeron).
• Champsiaus [t͡sãˈʃo] (fr. Champsiaux).
• Las Chassanhas [lɛ.t͡saˈsɛɲɛ] (fr. Les Chassagnes).
• Le Chap [lə.t͡sɛ] (fr. Le Chat, Le Chap au sègle XVII).
• Le Chastelet [lə.t͡sɛtəˈlø] (fr. Châtelet).
• Dagon [daˈgwœ] (fr. Dagout).
• La Farja [lɔ.ˈfaʁd͡zɔ] (fr. La Farge).
• Forgat [fuʁˈga] (fr. Fourgat).
• La Grande Sarre (en francés).
• La Petite Sarre (en francés).
• La Gravèira [lɔ.gʁaˈvɛjʁɔ] (fr. La Gravière).
• Grelinjas [gʁəˈlɛ̃d͡zɛ] (fr. Grelinge).
• Jalatònha [d͡zalaˈtɔɲɔ] (fr. Jalatogne).
• Lavaur [laˈvɔʁ] (fr. Lavor).
• La Lèbre [la.lɛbʁ] (fr. La Lèbre).
• Los Monèirs [lu.muˈnɛj] (fr. Les Meuniers).
• Le Montelh [lə.mɔ̃ˈtɛj] (fr. Le Montel).
• Montmoi [mɔ̃ˈmwɛj] (fr. Montmoy).
• Morèl [muˈʁæ] (fr. Morel).
• Le Passet [lə.paˈsə] (fr. Le Passet).
• Peiròt [peˈʁo] (fr. Perrot).
• Les Peslières (en francés).
• Porrat [pɸuˈʁa] (fr. Pourrat).
• La Ribèira [lɔ.ʁiˈbɛjʁɔ] (fr. La Ribeyre).
• La Romàndia [lɔ.ʁuˈmãɟɔ] (fr. La Romandie).
• Las Sanhas [lɛ.ˈsɛɲɛ] (fr. Les Sagnes).
• Sent Bonet [sɛ̃.buˈnø] (fr. Saint-Bonnet).
• Tarranhac [taʁaˈɲa] (fr. Tarragnat).
• Las Valèiras [lɛ.vaˈlɛjʁɛ] (fr. Les Vallières).

Toponimia

Una legenda vòl que le nom dau borg venguèsse d'un monge nomat Magnus. Aviá una malautiá que se podiá pas garir, alòrs venguèt vès Roma per prejar Sent Sebastian e un miracle li arribèt. Quand tornèt per le país la nuèit èra a tombar, alòrs crochetèt le sac embei las relicas per una brancha e s'endormiguèt, mas en se desvelhar pas moian de descrochetar le sac a causa de l'aura, prenguèt aquò coma un signe que las relicas devián demorar aquí e bastiguèt un orador^[7][8].

Mas aquela legenda se deu pas préner seriosament, per Pierre François Fournier le borg ten son nom de sa situacion monastica. Manluòc èra un centre religiós franc important e aguèt donca le nom de Magnus Locus, "le grand luòc", "le luòc important".

Las atestacions ancianas son Vicus Tudurnensis (656) e Magnus Locus/Magnum Locum^[9] (959, 1031, 1286).

Istòria

Sabèm pas exactament si le luòc èra abitat a l'epòca gallesa, mas d'apchetas en pèira lissa seguèron retrobadas dins mai d'un endreit de la comuna (quatre pas luènh de vès Champsiaus e doas près de vès le Chap) e tesmònhan d'una ocupacion mentre le Neolitic. Le territòri èra boschilhat mas los galloromans l'eissartèron en mai d'un endreit per l'ocupar. Las rèstas d'un talhèir de potèirs dau sègle II seguèron tanben descobèrtas sobre la comuna.

L'istòria de Manluòc comenca au sègle VII, la coneissèm gràcia a la Vida de Sent Bonet, escriuta au sègle VIII après la demanda d'un abat manluoqués. Segon Grabièl Fournier^[10], l'abadiá seguèt fondada dins la segonda meitat dau sègle VII per Sent Ginès. A la fin dau sègle Sent Bonet que seguèt evesque de vès Clarmont a partir de 689 lai se retirèt, moriguèt pas luènh de vès Lion en 709 dau mentre que fasiá un pelerinatge. Un vialatge de la comuna pòrta son nom.

Le borg aviá doas glèisas, la glèisa parrochiala Nòstra Dama e la glèisa abadiá Sent Sebastian, maleirosament la promèira seguèt borlada per accident le 30 octòbre 1966, se pòt totjorn veire las roïnas dins le centre dau borg.^[11]

Administracion

La maison de comuna e l'escòla de Manluòc.

Lista dels cònsols successius

Periòde		Identitat	Etiqueta	Qualitat
març 2014	2020	Michèle Brousse		ajuda-soanhanta
junh 1995	2014	Philippe Juille[12]		chap d'entrepresa
març 1989	1995	Gérard Robineau		director informatica
març 1971	1989	Marcel Michy		agricultor
	1971
Totas las donadas non son pas encara conegudas.

• A la refòrma cantonala de 2014, aplicada en 2015, la comuna èra dau canton de Vic la Còmte, lai demorèt.

Demografia

modificar « persona »  v · d · m  Evolucion demografica Populacion comunala actuala (2013): 470, totala: 478
1793	1800	1806	1821	1831	1836	1841	1846	1851
1 174	817	1 124	1 303	1 426	1 676	1 663	1 708	1 676
1856	1861	1866	1872	1876	1881	1886	1891	1896
1 221	1 436	1 384	1 340	1 313	1 228	1 176	1 112	1 084
1901	1906	1911	1921	1926	1931	1936	1946	1954
1 021	991	1 012	905	816	755	649	592	547
1962	1968	1975	1982	1990	1999	2006	2007	2008
481	405	384	400	421	411	431	433	434 442
2009	2010
444 452	454 462
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• 2016 : 462

Luòcs e monuments

Glèisa de Sent Sebastian.

Vestigis de la claustra de Sent Sebastian.

Una maison bastida pejada per los vestigis de la glèisa de Nòstra Dama. La fòto es vèlha, la maison seguèt renovada.

• Glèisa abadiá Sent Sebastian
• Glèisa parrochiala Nòstra Dama (roïnas)
• Chastèl d'Augèir
• Chastèl dau Montelh
• Chastèl de Boqueiton (fr. Bouqueytou)
• Pont roman
• Convent de Montmoi

Personalitats liadas a la comuna

• Antoène Codèrc (fr. Antoine Coudert) (1861-1929), evesque de Banias, sacrat en 1898 dins la catedrala de Colombo.

Veire tanben

Comunas dau Puèi de Doma

Liams extèrnes