Amnesia

Amnesia es un grop bèlga de musica electronica new beat (house) de la fin de las annadas 1980, inactiu dempuèi 1993.

A l'origina, lo projècte Amnesia es eissit de la collaboracion entre Olivier Caplin e Stephan Novak, produch per Michel « De San Antonio » Nachtergaele e Bruno Vangarsse, especialistas de la musica electronica.

Amnesia a lèu de succès dins lo mitan de la musica electronica independenta ambe los títols Ibiza (Eivissa) sortit en 1988 ("Amnesia" es tanben lo nom d'una discotèca d'Eivissa) e Hysteria en 1989. Los productors Nachtergaele e Vangarsse decidisson alavetz de trabalhar ambe d'autres compositors coma, entre autres, Benoît Marissal.

A la debuta de las annadas 1990, Nachtergaele e Vangarsse laissan Amnesia e lançan en parallèl un projècte novèl : Pleasure Game. Mai tard, produson tanben Boris e Phenomenal Club.