Boris

Philippe Dhondt, mai conegut jos l'escais de Boris, nascut lo 19 de mai de 1965 a Roubaix (al Nòrd de França), es un cantaire francés, tanben autor e compositor. Foguèt tanben animator de ràdio sus Radio Galaxie, ràdio basada dins lo Nòrd e Pas de Calais.

Es de'n primièr conegut per èsser la votz del projècte tècno-dance Pleasure Game (Le Dormeur e Le seigneur des ténèbres, tubes en França e en Belgica en 1991). Puèi obten una plan gròssa capitada jos lo nom de Boris ambe son títol Soirée Disco publicat a la tota fin de l'annada 1995 e que serà quitament n°1 en França al mes de març de 1996.

A l'ora d'ara, Boris demòra en Occitània, del costat de Montflanquin dins Agenés (Aquitània).^[1]

Cançons mai conegudas

• Soirée Disco (1995)
• Miss camping (1996)
• La lettre (1996)
• À toute berzingue (1996)
• T'es zinzin (1999, ambe D.J. Xam)
• Ta mère elle va jumper (1999, ambe D.J. Xam)