Bastir!
From Wikipedia, the free encyclopedia
Remove ads
Bastir!, de'n primièr lo "Manifèste Occitanista" (de la fin de 2011 dincas en abriu de 2013), es un projècte que se definís coma occitanista e qu'aviá a la debuta per tòca de situar la lenga occitana dins los enjòcs de las eleccions municipalas francesas de 2014. Es capitanejat per divèrses elegits occitans coma Dàvid Grosclaude o Guilhèm Latruvèrsa.
Remove ads
Se vòl pas un partit politic mas puslèu un labèl pels candidats, de quina etiqueta que siá manca los del Front Nacional, de las regions occitanas a las eleccions venentas, qu'auràn a còr de privilegiar a mai de l'occitan, l'interregionalitat, l'educacion e la cultura.
Remove ads
Las eleccions municipalas de 2014
La causida dels candidats se deu far aprèp de negociacions menadas localament.
La lista de las candidaturas a las municipalas de 2014 es estada aprovada a l'amassada del comitat de pilotatge[1] nacional que se faguèt lo 9 de novembre de 2013.Anteriorament divèrsas reunions se faguèron dins mantunas vilas occitanas.
Las eleccions departamentalas de 2015
A las eleccions departamentalas de 2015, maugrat d'i aver presentat qualques candidats en Gasconha tolosana (Gèrs), Bastir! obtenguèt pas nat elegit.
La causida de "Occitanie" coma nom per la novèla region de Tolosa e Montpelhièr
En seguida de las municipalas de 2014 e de las departamentalas de 2015, los de Bastir! faguèron d'accions localas o espontanèas quora aguèron escadenças de convidar lo subjècte "occitan" dins l'actualitat, per exemple en participar activament au mès de mai de 2016 a la campanha del cambiament de nom de la region Lengadòc-Rosselhon-Mieijorn-Pirenèus en "Occitanie"[2].
Atal, menats per Joan-Luc Davezac, nombroses militants de "Bastir!" encara actius en Gasconha tolosana se mobilizèren au moment de la consultacion ciutadana per causir un nom a la region administrativa d'Occitània Centrala (Tolosa e Montpelhièr) gessida de la fusion de Mièijorn-Pirenèus ambe Lengadòc-Rosselhon, en preconizar entremièi los cinq prepausats pel conselh regional los dus mès istorics e identitàris : "Occitània" o "Occitània - País Catalan". Aquesta campanha estèc una capitada : "Occitània" estèc la prumèra causida ambe 44,90 % de las votacions lo 24 de junh (nom validat per las institucions francesas lo 29 de setembre de 2016)[3]. Dempuèi, a l'Amassada Constitutiva "Bastir!" d'octobre de 2016 de L'Isla de Baish (Gasconha tolosana)[4], se decidèc de cambiar lo nom "Bastir!" en "Bastir Occitània".
2016 : L'androna macronista
Mentre que menava las accions "Bastir!" en favor del nom novèl de la region administrativa francesa d'Occitània Centrala, Joan-Luc Davezac s'engatgèc dins lo moviment "En Marcha!" de l'ancian ministre de l'economia Emmanuel Macron[5]. Atal, nombroses sòcis de "Bastir!" capvath Occitània tota seguissèren Davezac dins aquesta dralha e te dintrèren dins aqueste moviment e, solide, menèren la campanha de las presidencialas en favor del Macron, qu'estèc elegit President de la Republica Francesa lo 7 de mai de 2017[6].
Remove ads
Las eleccions legislativas de 2017
Mès tre las eleccions legislativas de 2017, Davezac e los autres sòcis de "Bastir Occitània" prenèron distàncias ambe lo moviment "En Marcha!", sia en sosténguer al primièr torn candidaturas "macronistas" dissidentas ("majoritat presidenciala")[7] contra los investits pel moviment, sia en presentar candidaturas occitanistas autonòmas[8]. Au segond torn, "Bastir Occitània" comuniquèc pels fialats socials de far barratge a tres candidats "En Marcha!" ont lo moviment èra fòrça plan implantat en Occitània : atal, sus la segonda circonscripcion de Gèrs, sus la primièra circonscripcion de Tarn e Garona e sus la uèitena circonscripcion de Garona Nauta, en partida benlèu gràcias a la comunicacion dels sòcis de "Bastir Occitània", los candidats pr'aquò favorits "En Marcha!" d'aquestas circonscripcions estèren batuts pels candidats del Partit Socialista[9].
En seguida de l'anullacion de l'eleccion del socialista Joel Aviragnet sus la uèitena circonscripcion de Garona Nauta, los electors tornèren votar los 11 e 18 de març de 2018. Aqueste còp, lo comitat "Comenge e Savés" de Bastir Occitània demandèc après soscadissa intèrna a sosténguer publicament Joel Aviragnet[10][11][12] identifiat coma "lo mès pròishe de las ideas de Bastir". Aqueste te ganhèc aisidament l'eleccion cap au candidat LaREM - UDI Miquèu Montsarrat.
Mentre, los autres de "Bastir Occitània" que son çaquelà demoratz macronistas compausèron dincas au mes de gènier de 2019 una branca dissidenta a LaREM, grop puslèu d'esquèrra e regionalista "girondin", opausat cap a la tendéncia de dreta, francofila e centralista "jacobina" pro-parisenca d'aqueste moviment. A la debuta de 2019, "Bastir" s'aluènha donc encara mai del macronisma per'mor de la refòrma Blanquèr identificada coma marrida per l'ensenhament de l'occitan dins l'educacion nacionala, viscuda alavetz coma una traïson de las promessas del Macron rapòrt a la promocion de las lengas regionalas.
Remove ads
Las eleccions municipalas de 2020 : "Occitània País Nòstre"
Lo dètz de novembre de 2018, sòcis e elegits de "Bastir" se son amassats a Tolosa per aprestar las eleccions municipalas venentas e afortir la preséncia del moviment dins las comunas. "Bastir" anonça alavetz una demarcha similara a la de 2014[13], una dubertura a tota mena de listas compatiblas ambe l'occitanisma segon la Charta Bastir (a part solide las de l'extrèma-dreta)[14]. Pr'aquò foguèt Occitània País Nòstre, nascut del "maridatge" oficial de Bastir Occitània ambe l'associacion País Nòstre (octobre-novembre de 2019), que prenguèt en carga las labellizacions jos aquel nom de gaireben un cinquantenat de candidaturas occitanistas a n'aquestas eleccions municipalas de 2020.
Per las eleccions europèas del 26 de mai de 2019, una majoritat de comitats de "Bastir" t'an estimat que la tièra la mès pròisha de las valors del moviment èra la de l'aligança ecologista-regionalista EELV - RPS menada pel Yannick Jadot[15].
Remove ads
Las eleccions regionalas de 2021 : aligança ambe Joan Lassala
A las eleccions regionalas del 20 de junh de 2021, dins la region administrativa Occitanie, gràcias al sosteng del malhum del moviment Occitània País Nòstre, Joan-Luc Davezac te monta la lista "Bastir Occitània 2021" ambe lo sosten de Joan Lassala. Obten sonque 0,76 % dels sufratges exprimits.
2022 : la Federacion dels Païses Units (FPU)
Lo 15 de genièr de 2022, "Bastir Occitanie" junta la Federacion dels Païses Units, una aligança entre cinq partits regionalistas de França.
Las eleccions legislativas de 2022
A las eleccions legislativas del 12 de junh de 2022, "Bastir Occitanie" te presentèc 14 candidaturas, 13 dins la region administrativa Occitanie, e una de la diaspòra a París.
Les eleccions europencas de 2024
"Bastir Occitanie" participa a las eleccions europencas de junh 2024 dins l'encastre d'una lista ecologista menada per Jean-Marc Governatori. Lo president de "Bastir Occitanie", Joan-Luc Davezac, es posicionat en cinquena posicion d'aqueste liste dicha Écologie au centre (ecologia au centre).[16][17][18]
Las eleccions legislativas de 2024
A las eleccions legislativas del 30 de junh de 2024, "Bastir Occitanie" te presentèc 7 candidaturas.[19]
Vejatz tanben
Referéncias
Ligams extèrns
Wikiwand - on
Seamless Wikipedia browsing. On steroids.
Remove ads