Bulgar

Lo bulgar (autonim: български, /ˈbɤɫɡɐrski/ bǎlgarski) es la lenga principala de Bulgaria, e sa lenga oficiala. Lo bulgar es una lenga qu'aperten al grop de las lengas eslavas meridionalas de la familha de las lengas indoeuropèas, e es fòrça pròche del macedonian que d'unes considèran coma un dialècte del bulgar. La lenga a 12 milions de locutors. Tanben foguèt la primièra lenga eslava que produguèt una literatura, e la forma del primièr estadi d'aquesta lenga serviguèt de lenga eclesiastica per la Glèisa Ortodòxa. Lo bulgar s'escriu amb l'alfabet cirillic, amb pasmens qualques diferéncias a respècte del rus. Se compausa en efièch de 30 letras, e la prononciacion del bulgar es pro diferenta d'aquela del rus.

Bulgar

български език
Locutors	12 milions de
Tipologia	SVO Flexionala - Accentuala
Classificacion lingüistica
Bulgar
Estatut oficial
Oficial de	Bulgaria
Còdis lingüistics
ISO 639-1	bg
ISO 639-2	bul
ISO 639-3	bul
ISO 639-6	bul
Ethnologue	bul
Glottolog	bulg1262
Linguasphere	53-AAA-hb
ASCL	3502
IETF	bg
Mòstra Article primièr de la Declaracion dels Dreches de l'Òme Член 1 Bсички хора се раждат свободни и равни по достойнство и права. Те са надарени с разум и съвест и следва да се отнасят помежду си в дух на братство.
Mapa

Lo bulgar es un cas particular dins l'ensems de las lengas eslavas, amb doas especificitats: es l'unica lenga del grop que possedís pas de flexions de cas, e es l'unica lenga del grop que possedís un article (postpausat). Aquela darrièra particularitat ne fa un dels membres de l'union lingüistica balcanica amb lo romanés, lo grèc e l'albanés. Ça que la lo bulgar a conservat tota la complexitat del sistèma verbal que caracteriza las lengas eslavas.

• Portal de las lengas