Còths

Còths^{[1],[2],[3],[4]} (Cox en francés) es una comuna gascoa, situada dins lo departament de la Hauta Garona e de la region d'Occitània, ancianament de Miègjorn-Pirenèus.

Vilatge d'Occitània

Còths Cox
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
L'ostau de comuna.
Geografia fisica
Coordenadas	43° 45′ 42″ N, 1° 02′ 35″ E
Superfícia	4,07 km²
Altituds  · Maximala  · Mejana  · Minimala	296 m 296 m 179 m
Geografia politica
País	Gasconha
Estat	França
Region 76	Occitània
Departament 31	Nauta Garona
Arrondiment 313	Tolosa
Canton 3107	Legavin (Cadors abans 2015)
Intercom 243100856	CC de las Cimas Tolosanas
Cònsol	Céline Oudin (2020-2026)
Geografia umana
Populacion Populacion totala (2018)	349 ab. Evolucion de la populacion 360 ab.
Densitat	84,28 ab./km²
Autras informacions
Còde postal	31480
Còde INSEE	31156

Geografia

Comuna de l'airal urban de Tolosa situada a 42 km al Nòrd-Oèst de la vila.
Còths es le principau cairehorc (de vias segondàrias) deu canton de Cadors, mèi important que le caplòc : la RD 1 Tolosa-Leitora, la RD 41 au sud, que se deveseish en duas direccions, ua cap a Colonha, l'auta cap a Cadors e la RD 41 au nòrd cap a Verdun de Garona. La rota de Cabanac e Seguenvila es pas tant importanta.

Comunas a l'entorn.

Perimètre deu territòri

Comunas confrontantas de Còths

	L'Agraulet Sent Nicolau
Brinhemont		Poisigur
	La Reula

Toponimia

Segon Dauzat, Còths (Cox en francés), vilatge situat sus ua hautor au cap de barrancs, es un còs(t), masculin gascon de còsta ^[5]. Es sostengut per Astor a prepaus deu patronime Cox ^[6]. Es ua error.
Negre horneish fòrmas ancianas (Cotibus, latinizacion abusiva, en 1373, Cotz a la fin deu sègle XIV, Cots au sègle XVI) e ua solucion un pauc mei acceptabla. Còths, sus ua hautor, ven de coll-, deu latin collem, « tuca, poi », dambe ua evolucion comparabla a castellum > castèth, francés castets ^[7]. En realitat, Negre, capable çaquelà d'explicar le diminutiu Coreth, ha ua confusion dambe la bona solucion còth, latin collum, « pòrt, passatge », omonima en gascon. Sus l'axe Tolosa-Leitora, Còths es a la cima e l'altitud baisha leugèrament a l'èst com a l'oèst. Es atau, e pus netament sus la RD 41, axe sud-sud-oèst nòrd-nòrd-èst. Còths es sinonime de *Pòrts, au plurau per'mor n'i a dus; pòrt es un mot pus ancian que còth dens le sens de « passatge de montanha » e le toponime, le vilatge benlèu tanben, deu èsser deu segond millenari, çò qu'es pas contradictòri dambe le cas d'un vilatge de terralhèrs, activitat que pòt estar pus recenta que la d'ua villa o d'un vicus.

Istòria

Pendent l'Ancian Regime, Còths èra de l'eleccion de Lomanha, doncas de la província de Gasconha, de la generalitat d'Aush, de la diocèsi de Lombèrs, de la senescaucia de Tolosa. Le vocable de la glèisa, annèxa de L'Agraulet, es Sent Pèir. Tanlèu 1790, Còths èra deu canton de Cadors ^[8]. En 2015, suprimiscón le canton de Cadors e Còths passèc au canton de Legavin, largament espandit.

Còths es un ancian vilatge de topièrs. Compte tengut de la febla superficia e de la populacion de la comuna, le vilatge de Còths devè estar la principala aglomeracion deu canton quan le creèn dens las annadas 1790, mei importanta que Cadors, le caplòc. Aquera importància èra probablament recenta : Còths èra ua simpla parròpia annèxa, signe d'ua pauca importància istorica. Le principau fenomèn recent es la baishada anormala de la populacion entre la fin deu sègle XIX e la segonda mitat deu sègle XX. La causa pòt estar le declin de l'activitat de la terralha e, benlèu, l'impossibilitat de desvolopar ua activitat comerciala en rason de la concurréncia de Cadors (5,5 km). Çaquelà, la populacion tòrna créisher dempèi las annadas nonanta, com dens tot l'ancian canton (relativa proximitat de Tolosa).

Administracion

Lista deus cònsols successius

Periòde		Identitat	Etiqueta	Qualitat
mai de 2020	(2026)	Céline Oudin	divèrs esquèrra	agenta immobiliària
març de 2001	2020	Roland Clémençon	divèrs esquèrra	retirat
	2001
Totas las donadas non son pas encara conegudas.

Demografia

modificar « persona »  v · d · m  Evolucion demografica Populacion comunala actuala (2013): 343, totala: 345
1793	1800	1806	1821	1831	1836	1841	1846	1851
650	582	614	717	538	762	722	722	529
1856	1861	1866	1872	1876	1881	1886	1891	1896
777	750	767	772	740	729	709	677	584
1901	1906	1911	1921	1926	1931	1936	1946	1954
543	507	504	398	372	340	330	287	275
1962	1968	1975	1982	1990	1999	2006	2007	2008
243	236	224	214	237	267	318	323	329 331
2009	2010
335 336	342 344
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• En 2018 la populacion èra de 349 abitants e la densitat èra de 85,75 ab/km².

Lòcs e monuments

• Musèu del topièr^[9]

Véser tanben

• Comunas de la Nauta Garona

Ligams extèrnes