Camps Flegrèus - Wikiwand

Los Camps Flegrèus (en italian: Campi Flegrei; en napolitan: Campe Flegree; del grèc ancian φλέγω phlego, lit. "cremar") son un grand volcan situat a l'oèst de Nàpols, en Itàlia. Foguèt declarat pargue regional en 2003. La zona de la caldeira se compausa de 24 cratèrs e edificis volcanics; la màger part d'entre eles se trapan jos l'aiga. L'activitat idrotermala pòt èsser observada a Lucrino, Agnano e dins la vila de Pozzuoli. I a tanben de manifestacions gasosas efusivas dins lo cratèr Solfatara, ostal mitologic del dieu roman del fuòc, Vulcan. Aquesta zona es susvelhada per l'Observatòri del Vesuvi.

La zona presenta tanben de fenommèns bradisismics, que son pus evidents al Macellum de Pozzuoli (identificat a tòrt coma un temple de Serapis): de traças daissadas per de mollusques marins sus des colomnas de marme mòstran que lo nivèl del site respècte al nivèl de la mar a cambiat.