Pozzuoli

Pozzuoli en italian, Pëzzulë en napolitan, es una vila italiana de la Ciutat Metropolitana de Nàpols en Campània. Sa populacion èra estimada a 80 295 abitants, en 2019. Coneguda tre l'Antiquitat, sos a l'entorn son caracterizats per une granda activitat volcanica. De son pòrt a l'extremitat nòrd del golf de Nàpols partisson los batèus per las illas d'Ischia e Procida.

Pozzuoli Pëzzulë
Fichièr:Pozzuoli-Stemma.png Armas de Pozzuoli
Administracion
Estat	Itàlia
Region	Campània
Província	Nàpols
Geografia
Superfícia	43 km²
Altitud	28 m
Demografia
Populacion	80 295 (2019)
Densitat	1963 ab./km²
Comunas limitròfas	Bacoli, Giugliano in Campania, Quarto e Nàpols
Autras informacions
Còdi ISTAT	063060
Còdi postal	80078
Prefixe telefonic	081
Fèsta patronala	16 de novembre
Site web	comune.pozzuoli.na.it

Geografia fisica

Lo golf de Pozzuoli vist de satellit.

Situada sul golf del meteis nom, Pozzuoli se trapa dins una zona volcanica, los Camps Flegrèus, una granda caldeira activa en estat de repaus.

Una granda part del territòri es ondulat, comprenent mantun cratèrs volcanics, que lo mai conegut es lo de la Solfatara, format ia aperaquí 4000 ans. D'autres cratèrs volcanics son l'Astroni, lo Monte Nuovo (format durant la darrièra erupcion dels Camps Flegrèus, en 1538) e lo qu'abriga lo lac d'Averno. D'aquesta zona, lo sòl davala pron fortament cap al sud (golf de Pozzuoli), mentre que la davalada cap a l'oèst es mai progressiva, ont i a una zona plana près de la còsta domitio.

Un fenomèn geofisic tipic d'aquesta vila e de tota la zona dels Camps Flegrèus es lo bradiseïsme, es a dire l'enauçament e l'abaissament de la superfícia terrèstra per l'efeit de las variacions de la pression sosterrana ligadas a l'activitat magmatica idrotermala. La pujada rapida del nivèl del sòl que se debanèt dins la zona dins los ans 1980 faguèt mestièr de desplaçar lo pòrt de Pozzuoli a aperaquí 50 mètres pus luenh que l'emplaçament precedent.