Caralh

Caralh^[1][2] (Caraglio en italian) es una comuna de la Comunautat montanhòla de la Val Grana, dins las Valadas Occitanas, dins la Província de Coni.

Caralh
Armas de Caralh
Administracion
Estat	Itàlia
Region	Piemont
Província	Coni
Geografia
Demografia
Populacion	6 774 (2010)
Comunas limitròfas	Bernès, Buscha, Cervasca, Coni, Draonier, Montomal e Valgrana
Autras informacions
Site web	comune.caraglio.cn.it

Geografia

Caralh se tròba a l’emboch de la val Grana a 575 m d’autessa; fai 6.500 abitants e diferentas fracions, coma Palasàs, Pasquiera Sant Carl, Panial, Pasquiera Sant Defendent, Sant Lorenç e La Valera.

Istòria

Lo chastèl de Caralh era un di fortilicis pus importants de la zòna e, citat per lo premièr bòt ental 1128, a gardat restas des muralhas e des tors: al siu pòst ental 1849 es estat construit lo santuari de la Madòna del Chastèl, naissut a l’entorn de la chapèla del ‘400 que garda frescs abo las scenas de la Vita de Maria.

A Caralh se tròba una des filandas pus anticas d’Euròpa, lo Filatoio Rosso, construit entre 1676 e 1678. En la fabrica de seda se trobavon sia lhi locals per la produccion, abo tòrnhs a energia idraulica, sia lhi alòtges. La filanda, que semelha un palais fortificat, comença sa decadença productiva al principi del Nòu Cents per puei sarrar; darrierament restauraa, encuei es devengua Museu de la Seda Piemontesa.

Ental 1908, a Caralh nais Arnaldo Momigliano, professor universitari a Londres e Nòva York e istòric de l'antiquitat; ebreu, per las leis racialas, se refutjarè en Anglatèrra.