Conte de Tòquio
filme de 1953 dirigit per Yasujiro Ozu From Wikipedia, the free encyclopedia
Remove ads
Conte de Tòquio ( Tōkyō Monogatari en romaji) es un filme realizat per en Yasujiro Ozu en 1953.
Remove ads
Sinòpsi
Nos conta l'istòria lo viatge d'un parelh de vielhets, na Tomi (Chieko Higashiyama) e'n Shukishi Hirayama (Chishu Ryu) venguts a Tòquio d'a Onomichi, una vilòta d'al sud-oèst de l'illa, çò es d'a l'autre cap o quasi de Japon (una jornada de viatge ferroviari gaireben en aquela epòca...), per veire los lors enfants e la lor decepcion assumida sempre amb quietud e silenci estoïc davant la lor cortesiá pro forçada.
Per astre e per sol punt positiu e solaç ne serà la gençor de la lor nòra Noriko (Setsuko Hara), veusa de guèrra del lor filh Shoji.
D'efièch los lors enfants an totes dos lo lor mestièr e las lors familhas pròpias e se ne tenon d'aqueferits, sens relambi ni polsar.
Ne fa lo lor ainat Koichi (So Yamamura) de pediatra, lo cabdet Keizo (Shiro Osaka) viu a Osaka e la filha mai annadida Shige (Haruko Sugimura) es parruquièra dins la capitala nipona.
La lor filha pus jove Kyoko (Kyoko Kagawa) es regenta mas viu amb eles a Onomichi.
La lor cortesiá envèrs sos parents ne serà estada doncas sonqu'aparenta e regida per las règlas non escrichas mas estrictas del bon saber viure nipon.
Respièch e dever son las formas pr'aquò pro prigondas de l'amor filial japonés.
Es per aquò (e tanben per los s'aluenhar un chic tot parièr...) que li ofriràn un sojorn dins l'estacion balneària d' Atami que la maire, malauta, ne tornarà encara mai cansada que non pas quora arribèt.
Ne començarà d'emmalautir mai que pus a Osaka que lai s'arrestèron per veire lo lor cabdet.
Es quand aprendràn puèi sa malautiá (que los deuràn al brutle ajónher en çò siu...) e per acabar la siá mòrt qu'un regret fòrça intens los s'asondarà mas tròp tard e las solas que de verai verai pertocadas seràn Noriko e Kyoko.
Lo sol arc de seda miraudiós dins l'escuresina ne serà doncas estat las lors relacions amb Norico.
La scèna qu'ela li fa vesitar Tòquio en autobus es un dels cimèls de l'òbra, coma escandilhada sendenta maldespièch tota lor tristor.
Remove ads
Estil
citacions
Ficha tecnica
Distribucion
- Chishū Ryū ... Shukichi Hirayama, lo paire
- Chieko Higashiyama ... Tomi Hirayama, la maire
- Setsuko Hara ... Noriko Hirayama, la nòra
- Haruko Sugimura ... Shige Kaneko, l'ainada
- So Yamamura ... Koichi Hirayama, l'ainat
- Kuniko Miyake ... Fumiko Hirayama, siá molhèr
- Kyoko Kagawa ... Kyoko Hirayama, la cabdeta
- Shiro Osaka ... Keizo Hirayama, lo cabdet
. . .
Resson a Japon
citacions
Resson critic internacional
citacions
Prèmis e guerdons
- 1958 British Film Institute / Sutherland Trophy
Bibliografia
- Yasujiro Ozu & Kogo Noda: Tokyo Monogatari - Voyage à Tokyo - 1953 ... script d'origina traduch del japonés per Michel & Estrellita Wasserman, Publications Orientalistes de France, París, decembre de 1986 (en francés)
- amai
- numèro especial de la revista bimesadièra L'Avant-Scène du cinéma, num.204: ... descopatge integral de Tokyo Monogatari - Voyage à Tokyo... dab entreten amb en Chishū Ryū d'en Max Tessier, març de 1978... (idem)
- veire tanben bibliografia mai exaustiva e complèta dins l'article Ozu Yasujirō
Remove ads
Documents audiovisuals
Vejatz tanben
Ligams extèrnes
- (fr) Conte de Tòquio sus IMDb
Nòtas & referéncias
<references>
[[DEFAULTSORT:Conte de Tòquio}} Caqtgoria:Yasujiro Ozu
Wikiwand - on
Seamless Wikipedia browsing. On steroids.
Remove ads