Cottus petiti

Lo cabòt dau Les (Cottus petiti) es una espècia de peis descobèrta dins Les, un flume costièr d'Erau, en Occitània.

Cottus petiti

Cabòt dau Les (Cottus petiti)

Classificacion

Règne	Animalia
Embrancament	Chordata
Sosembr.	Vertebrata
Superclassa	Osteichthyes
Classa	Actinopterygii
Sosclassa	Neopterygii
Infraclassa	Teleostei
Superòrdre	Acanthopterygii
Òrdre	Scorpaeniformes
Familha	Cottidae
Genre	Cottus

Nom binominal

Cottus petiti
(Băcescu & Băcescu-Meşter, 1964)

Estatut de conservacion UICN

VU D2 : Vulnerable

Descobèrta

En 1964, de cercaires romans, Mihai Bacescu e Bacescu Mester, estúdian las lòcas e demandan a França d'escapolons d'aquestes peisses de divèrsas ribièras. Un cabòt provenent de Les figurava dins le lòt. Los cercaires en l'observant foguèron susprés per sas caracteristicas. En perseguir sas investigacions descobriguèron aital una espècia desconeguda. Fòrça son sceptics e en mai la descobèrta non apassiona pas otre mesura los especialistas de la sistematica dels peisses en França. La descobèrta auriá pogut passar pe malha, mas la biologia moleculara venguèt au secors dels cercaires e mostrèt que s'agissiá de l'espècia Cottus petiti e non pas de Cottus gobio, frequent dins tota la França. Curiosament, es pas present que dins lo bacin de Les.

Descripcion

Lo cabòt dau Les es un peisson de cap gròs e de còs alongat de la familha dels Cottidats. Viu amagat entre las pèiras dau fons, qu'es desprovesit de vessiga natatòria. Nada pauc, passant d'una resconduda a l'autra.

Sembla de limitar son airau de reparticion a la zona amont dau Les especialament los dos vilatges de (Pradas de Les e Sant Clamenç) d'après las capturas de 2001.

Proteccion

Aquèu pichon abitant dels fons codoloses dau pichon flume d'Occitània, es classat dins las 15 espècias de peisses d’aiga doça amenaçadas d'extinccion^[1] en França metropolitana (CR+EN+VU). Lo peis es marcat dins la convencion internacionala de la directiva 94/43 de la CEE que concernís las espècias animalas e vegetalas d'interèst comunautari que la conservacion necessita la designacion de zonas especialas de conservacion.

Dempuòi 2001, la font dau Les e los prumièrs quilomètres dau flume son classats site protegit Natura 2000, per fin de protegir lo cabòt dau Les.

Un rapòrt de l’Estat e dau departament d’Erau, publicat en 2012, rendiá còmpte de «trepajaments repetitius e de perturbacions dau lièch dau Les, deguts a una frequentacion excessiva entrainant un destorbe dau cabòt. » D'efiech, Les pren sorgent a qualques quilomètres solament de Montpelhièr, la frequentacion de la ribièra per los abitants especialament en periòde estival es problematica.

Lo SyBLe, sindicat dau bacin dau Les, faguèt d'aquèu peis un combat emblematic.