Daniel Balavoine

Daniel Balavoine (Alençon, 5 de febrièr de 1952 - 8 km de Gourma-Rharous, Mali, 14 de genièr de 1986) foguèt un cantaire e cantautor francés. A d'originas bascas (Etcheberts) e occitanas del costat de sa menina gascona (Marie Marguerite Ducamp), a quitament un pauc viscut dins sa familha pendent sa joventut a Pau (Bearn).

Daniel Balavoine en 1984

Se faguèt conéisser en França de caps la fin de l'annada de 1978 gràcias al succès de sa cançon en francés "Le Chanteur", e tanben a la meteissa periòda gràcias a son interpretacion de Johnny Rockfort dins l'opèra rock Starmania creat per Michel Berger e Luc Plamondon. Se faguèt remarcar posteriorament per son engatjament civic e social.

Moriguèt tragicament dins un accident d'elicoptèr durant lo Ralli del París - Dakar lo 14 de genièr de 1986.

Discografia

• De vous à elle en passant par moi (1975)
• Les aventures de Simon et Gunther... Stein (1977)
• Le chanteur (1978)
• Face amour / Face amère (1979)
• Un autre monde (1980)
• Vendeurs de larmes (1982)
• Loin des yeux de l'Occident (1983)
• Sauver l'amour (1985)

Cançons mai conegudas

• Le chanteur (1978)
• Quand on arrive en ville (1979, tirat de l'opèra rock Starmania)
• SOS d'un terrien en détresse (1979, tirat de l'opèra rock Starmania)
• Lucie (1979)
• Mon fils, ma bataille (1980)
• Lipstick polychrome / Je ne suis pas un héros (1981)
• La vie ne m’apprend rien (1981)
• Vivre ou survivre (1982)
• Vendeurs de larmes (1982)
• Pour la femme veuve qui s’éveille (1983)
• Dieu que c'est beau (1984)
• L'Aziza / Tous les cris, les S.O.S. (1985)
• Sauver l'amour (1986)
• Aimer est plus fort que d’être aimé (1986)

Daniel Balavoine cantat pels autres

Ja plan popular en França al moment de sa mòrt, aquesta subrevenguda de faiçon inopinada contribuïrà a far de Daniel Balavoine una legenda de la pop francesa a títol postum : aital, de nombroses artistas reprendràn sas cançons, e aquelas represas auràn quitament de còps una capitada francament superiora a las versions originalas.

• Lucie per Jeanne Mas (1987)
• Tous les cris, les S.O.S. per Jeanne Mas (1990)
• Je ne suis pas un héros per Johnny Hallyday (1991)
• La vie ne m’apprend rien per Liane Foly (1999)
• Tous les cris, les S.O.S. per Lena Kann (1999)
• Vivre ou survivre per Natasha St-Pier (2006)
• SOS d'un terrien en détresse per Grégory Lemarchal (2007)
• Tous les cris, les S.O.S. per Zaz (2016)
• Aimer est plus fort que d'être aimé per Cats on Trees (2016)