David et Jonathan

David e Jonathan es un duò de musica pop francés de la fin de las annadas 1980 compausat de David Marouani (escaissat tanben David Gategno), nascut lo 13 de setembre de 1969, e Jonathan Bermudes, nascut lo 8 de febrièr de 1968.

David, del celèbre duò "David et Jonathan" de la fin de las annadas 1980 en França

Se son encontrats a París al licèu en 1986, e son sustot coneguts per dos gròsses tubes en França, lor primièr, una balada cantada en italian, Bella vita en 1987, e en francés, Est-ce que tu viens pour les vacances ?, tròç escrich e compausat per Didier Barbelivien,^[1] Pascal Auriat e David Marouani, gròssa capitada de l'annada 1988. Mas aquela cançon (tròp) populara serà font facila de trufariá (Qu'est-ce que tu vends pour les vacances foguèt quitament l'una de las parodias las mai conegudas dels Nuls), de còps ambe quitament d'omofòbia, çò qu'aurà per efièch pervèrs de descreditar lo duò que veirà còp-sec sa popularitat davalar, e aquò serà la rason de lor separacion tre 1989, après un quite darrièr pichon succès pendent l'ivèrn 1988-1989 ambe lor cançon Cœur de gosse.

Se reforman en 2019 per qualquas aparicions a la television francesa e dins d'espectacles sovenirs de las annadas 1980.

Cançons mai conegudas

• Bella vita (1987)
• Gina (1987)^[2]
• Est-ce que tu viens pour les vacances ? (1988)
• Cœur de gosse (1988)