Enrico Macias

Gaston Ghrenassia, dich Enrico Macias, nascut lo 11 de decembre de 1938 a Constantina (Argeria francesa), es un musician, compositor e cantaire francés. Es tanben de còps actor ("La Vérité si je mens" 2 e 3, "Coco", "Bienvenue à bord", "Maison de retraite 2"...).

Lo cantaire francés Enrico Macias, aquí en 2016

Gaston Ghrenassia es eissit d'una familha de musicians josieva sefardita d'Argeria, el meteis disent aver d'originas berbèras. La familha de Gaston Ghrenassia quita Argeria tre lo 29 de julhet de 1961 per França pr'amor de la menaça de la guèrra. Installat en region parisenca, passa en 1962 pel primièr còp a la television francesa dins un reportatge suls repatriats d'Argeria : son interpretacion de la cançon Adieu mon pays ven lo simbòl de l'exili dels Pès negres e lo rend tanlèu celèbre. Adòpta alavetz coma nom de scèna Enrico Macias e deveng en França un cantaire popular incontornable pendent doas decenias. Aital, entremièi sas cançons mai famosas, se pòt citar Enfants de tous pays en 1963, Paris tu m’as pris dans tes bras en 1964, Les filles de mon pays en 1965, Les Gens du Nord e Les millionnaires du dimanche en 1967, Malheur à celui qui blesse un enfant en 1976, o encara, sus un tèxte de Didier Barbelivien, Le mendiant de l’amour en 1980.

Enrico Macias canta mai que mai en francés, mas tanben en arabi algerian, en espanhòu e en italian.

Cançons mai conegudas en Occitània

• Adieu mon pays (1962)
• Enfants de tous pays (1963)
• Paris tu m’as pris dans tes bras (1964)
• El porompompero (1964, adaptacion francesa d'una rumba en espanhòu compausada per Juan Solano Pedrero e popularizada per El Príncipe Gitano e per Manolo Escobar)
• S’il fallait tout donner (1964)
• Vous les femmes (1965)
• Les filles de mon pays (1965)
• Mon cœur d’attache (1965)
• Chanter (1966)
• Solenzara (1966)
• J’ai peur (1966)
• Les Gens du Nord (1967)
• Les millionnaires du dimanche (1967)
• Puisque l’amour commande (1967)
• Dès que je me réveille (1968)
• Les vacances (1968)
• La première corrida (1969)
• De musique en musique (1969)
• Le grand pardon (1971)
• C’est du soleil (1971)
• Un grand amour (1971)
• La romance (1972)
• Poï, poï, poï (1972)
• La casa del sol (1973)
• Oumparere (1975)
• Melisa (1975)
• Malheur à celui qui blesse un enfant (1976)
• Deux femmes à Dublin (1977)
• La musique et moi (1977)
• Il est comme le soleil (1977)
• La folle espérance (1978)
• Les étrangers (1978)
• On n’va pas se quitter comme ça (1979)
• Le mendiant de l’amour (1980)
• Ouvre moi la porte (1981)
• Zingarella (1989)