Flaunharda

La flauharda es un desserv originari de Lemosin e Peiregòrd. Quò es una mena de flan qu'òm li apond lo mai sovent de las pomas, de las peras o de las prunas^[1].

Flaunharda
Flaunharda Flaunharda
Autre nom	flaunharda
Luòc d’origina	Lemosin, Peiregòrd
Plaça dins lo repais	dessert
Temperatura de servici	freja o chauda
Ingredients	pomas reinetas, sucre, farina, uòus, lach, òli o burre
Accompanhament	vin liquorós vouvray vin blanc chablís vin effervescent vin de Champanha
modifier ligam=Modèle:Infobox_Mets|12x12px|Consultez la documentation du modèle

Flaunharda preparacion dau plat avant de faire còser

Etimologia

Lo nom es derivat daus mots occitans fleunhe ^[2] e flaunhard^[3], e designa quauquaren de mofle, qu'aflata lo gost. Aquel desserv se minja tanben en Auvernha.

Recepta

Dins un boiradís d'uòus, de farina (farina de froment, mas autres còps de blat d'Espanha) de sucre e de lach, òm apond de las pomas reinetas copadas a bocins, o de las prunas qu'òm ne'n a dostat lo vòs. L'òm bota la flaunharda a còser en lo forn dins un plat (de terra o de veire especiau) generosament olhat de burre. En Peiregòrd l'i botan pas de la crema frescha.

Vins que s'i maridan plan

Emb aqueu desserv òm perpausa generalament siá un vin liquorós coma lo vouvray, siá un vin blanc coma lo chablís, o enquera un vin que bulh coma lo vin de Champanha ^[4]. Autres còps chas los paisans quò era mai que mai lo vin de la maison, de noah o de bacò.

Cinèma

Le Flan était presque parfait (Lo Flan èra gaireben perfièch), un filme de Cécile Déroudille, surtit en 2008, es un documentari sus la transmission de las receptas de cosina, ente la realisatritz pausa de las questions aus membres de sa familha e d'autras familhas, en particulier subre las receptas seguentas: la flaunharda, la polka, la dafina et la paella^[5].