Fleur Pellerin

Fleur Pellerin (nascuda lo 29 d'agost de 1973 a Seol^[1]) es un naut fonccionari e una femna politica francesa. Conselhèra referendària a la Cort dels comptes e presidenta del Club XXIe siècle de 2010 a 2012, foguèt responsable del pòl Societat e Economia numerica dins l'equipa de campanha de François Hollande per l'eleccion presidenciala de 2012.

Fleur Pellerin (2015)

Foguèt nomenada lo 16 de mai de 2012, ministra delegada encargada de las PME, de l'Inovacion e de l'Economia numerica dins lo govèrn de Jean-Marc Ayrault.

Biografia

Enfança

Abandonada a sa naissença, Fleur Pellerin foguèt adoptada sièis meses per una familha francesa^[2]. En Corèa del Sud, portava lo nom de Kim Jong-suk^[3]. Grandiguèt en Sèina Saint Denis a Montreuil.

Estudis

Anciana escolana al licèu francoalemand de Buc (Acadèmia de Versalhas), es titulària del bachelierat scientific^[4] e de l'Abitur a l'edat de setze ans^[5], abans d'integrar las classas preparatòrias comercialas.

Admesa a l'ESSEC, que ne sortiguèt diplomada a 21 ans^[6]. Contunhèt los estudis a l'Institut d'Estudis Politics de París, e causiguèt alara la seccion Servici public.

À 24 ans, capitèt lo concors extèrne de dintrada a l'ENA^[7].

Vida privada

Viu a Montreuil maridada a Laurent Olléon^[8], rapportaira publica al Conselh d'Estat^[9]. An una filha nascuda en 2004.

Magistrata a la Cort dels Comptes

Son reng de sortida a l'ENA li permetèt de venir magistrata à la Cort dels Comptes a l'edat de 26 ans, comencèt alara coma qu'auditritz de 2^a classa^[10]. L'an segent, venguèt auditritz de 1^a classa^[11] e raportària a la Cort de disciplina budgetària e financièra^[12]. Venguèt conselhèra referendària a partir de 2003^[13].

Foguèt alara nomenada a la tresena cambra encargada entre autre de l'educacion, de la cultura e de la recerca, e de l'audiovisual^[14]. Amb aquel títol foguèt raportaira prèp de la Comission de contraròtle de las societats de percepcion dels dreches d'autors e dreches vesins (SPRD) de 2001 a 2005.

En parallèl aquela foncions, foguèt auditritz extèrna per l'ONU de 2001 a 2006 en Iraq, a Nòva York e a Gènoa. E tanben foguèt nomenada en 2007 rapportària de la Comission de deontologia de la foncion publica^[15].

Engatjament politic

Implicacion dins las campanhas presidencialas

Jonguèt l'equipa de campanha de Lionel Jospin en 2002, jos l'autoritat de Pierre Moscovici^[16].

Ségolène Royal li confièt en 2007 la cellula encargada de las relacions amb la premsa especializada^[17].

Foguèt responsabla del pòl Societat e Economia numericas dins la campanha presidenciala de François Hollande en 2012^[18].

Ministra

Lo 16 de mai de 2012, foguèt nomenada Ministra delegada a las Pichonas e Mejanas entrepresas, a l'Inovacion e a l'Economia numerica prèp del Ministre del Redreçament productiu dins lo govèrn de Jean-Marc Ayrault.

Autras foncions

Es Mèstra de conferéncias à l'ENA.

En 2011, venguèt administratritz de la cadena Public Sénat^[19] e membra del comitat de las sanccions de l'ARJEL^[20].