Jòrdi Pompidor

Jòrdi Pompidor (Montbodiu, Cantal, 1911 – París, 1974) (Georges Jean Raymond Pompidou en francés), professor e òme politic occitan e francés, foguèt president de la Republica de 1969 a 1974.

Agrejat de letras, mèstre de las requestas onorari al Conselh d'Estat e ancian director general de la Banca Rothschild, venguèt membre del Conselh constitucional de 1959 a 1962, ocupèt puèi, durant la presidéncia de Charles de Gaulle, la fonccion de Primièr ministre del 14 d'abrial de 1962 al 10 de julhet de 1968.

Foguèt elegit 19en president de la Republica francesa, a l'eleccion presidenciala francesa de 1969, amb 58,21 % dels sufratges exprimits, fàcia a Alain Poher, lo 15 de junh de 1969. Exerciguèt la fonccion de president de la Republica del 20 de junh de 1969 entrò a sa mòrt lo 2 d'abrial de 1974.

Lo president Pompidor que parlava auvernhat amb sos electors cantalés declarèt qu'èra «auvernhat donc occitan».^[1]

Precedit per	Jòrdi Pompidor	Seguit per
Michel Debré	Primièr ministre 14 d'abril de 1962 - 10 de julhet de 1968	Maurice Couve de Murville
Charles de Gaulle	President de la Republica 1969-1974	Alain Poher (interim) Valèri Giscard d'Estanh
Charles de Gaulle	Coprince d'Andòrra amb Ramón Malla Call seguit de Joan Martí i Alanis 1969-1974	Alain Poher (interim) Valèri Giscard d'Estanh