Jean-Marie Le Pen
From Wikipedia, the free encyclopedia
Remove ads
Jean-Marie Le Pen (nascut lo 20 de junh de 1928, mòrt lo 7 de genièr de 2025) foguèt un òme politic francés d'extrèma drecha. Foguèt elegit deputat pojadista en 1956; tornamai elegit deputat en 1958, s'aluenhèt pasmens del pojadisme per al cap de qualquas annadas se sarrar encara mai cap a l'extrèma drecha en participant a la fondacion del Front Nacional, que ne foguèt son president de 1972 fins a 2011. Se presentèt a las eleccions presidencialas en 1974, 1988, 1995, 2002, e 2007. En 2002 arribèt al segond torn de las eleccions presidencialas. En 2007, cabussèt a la quatrena plaça a las eleccions presidencialas (10%). Es lo paire de Marion dicha Marine Le Pen e lo pepin de Marion Maréchal.
Sas tematicas principalas son lo regèt de l'immigracion, lo nacionalisme e l'anticomunisme.
Es estat orfanin e pupil de la nacion après la mòrt de son paire, marin pescador breton tuat per una mina en nauta mar en 1942. De formacion juridica, es estat paracasudista. Del temps qu’èra deputat, faguèt pression per participar a la guèrra d’Argeria, mas demorèt gaire alai, combatèt pas mas torturèt de presonièrs,[1] e mai o confessèt mai tard.[2]
Le Pen es estat mantun còp a l'origina de polemicas e de procès pr'amor, entre autras causas, d'aver ensajat de minimizar l'Olocaust. Entre sas declaracions mai polemicas i aguèt lo jòc de mot Durafour crematòri contra un adversari sonat Durafour, lo vejaire de que lo genocidi dels jusieus non seriá estat qu'un "detalh" de la Segonda Guèrra Mondiala.
Remove ads
Referéncias
Wikiwand - on
Seamless Wikipedia browsing. On steroids.
Remove ads