Jussac

Jussac (Jussac en francés) es una comuna auvernhata, situada dins lo departament del Cantal e la region d'Auvèrnhe-Ròse-Aups, ancianament d'Auvèrnhe.

Vila d'Occitània

Jussac Jussac
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
La glèisa de Jussac.
Geografia fisica
Coordenadas	44° 59′ 19″ N, 2° 25′ 26″ E
Superfícia	18,43 km²
Altituds  · Maximala  · Mejana  · Minimala	874 m 632 m 609 m
Geografia politica
País	Auvèrnhe
Estat	França
Region 84	Auvèrnhe-Ròse-Aups, ancianament d'Auvèrnhe
Departament 15	Cantal
Arrondiment 151	Orlhac
Canton 1527	de Naucèla, ancianament de Jussac (capluòc)
Intercom 241500230	Comunautat d'Aglomeracion de la Conca d'Orlhac 241500230
Cònsol	Alain Bruneau (2014-2020)
Geografia umana
Populacion Populacion totala (2018)	2 021 ab. Evolucion de la populacion 2 088 ab.
Densitat	107,22 ab./km²
Autras informacions
Còde postal	15250
Còde INSEE	15083

Segon Joan Francés Blanc, la comuna es partejat entre parlars lengadocians e un bocin auvernhat^[1].

Geografia

Aquesta seccion es voida, pas pro detalhada o incompleta. Vòstra ajuda es benvenguda !

Comunas vesinas

Distanças e posicion relativa

Jussac

Relhac
(1,6 km)

Naucèla
(3,1 km)

Frais Anglars
(4,6 km)

Marmanhac
(5,2 km)

Teissièras de Cornet
(5,5 km)

Sant Simon
(6,1 km)

Orlhac
(6,9 km)

Crandèlas
(7,0 km)

Girgols
(7,4 km)

Airen
(7,5 km)

La Ròca Vielha
(7,8 km)

Sant Sarnin
(7,9 km)

Perimètre del territòri

Comunas confrontantas de Jussac

Frais Anglars	Sant Sarnin
Airen		Marmanhac
Teissièras de Cornet Crandèla	Relhac	Sant Simon

Toponimia

Jussac

Las fòrmas ancianas son Jussiacum, en 1344, Jussacum, en 1445, Jessac, en 1598, Jussahac, en 1623, Jusac, en 1629, Jussact, en 1669, Jussat, en 1784 ^[2]. Jussac vendriá d'un nom latin d'òme, Justius, amb lo sufixe -acum ^[3], latinizacion del sufixe gallés -āco(n). Jussac èra doncas probablament una anciana granda proprietat antica qu'aviá per mèstre Justius.

Autariba (capèla e montanha)

Alta-Rispa en 1312, Alta-Riba en 1464^[4]. Hauterive en français.

Breisse (vilatge amb castelet)

Las fòrmas ancianas son Breyssas, Breyssas dal Perier, en 1522, Breysses, en 1616, lou Perrier, alias de Breissas, en 1622, Breysse, en 1634, Breïsses, en 1634, Braisses, en 1668, Braysses, 1676, Breisses, en 1773 ^[5]. Lo Perier/Perrier representa probablament pas perièr, mas peirièr, « luòc peiregós » o « maquina de traire pèiras a un castèl » (puslèu lo primièr sens).

Caussac

Las fòrmas ancianas son Calsacum, en latin, en 1466, Calsac, en 1552, Camsac, en 1583, Calssac, en 1622, Lou Calsap, en 1623, Caussac, en 1663, Causac, en 1666, Causact, en 1669 ^[6]. Lo sufixe gallés (gal, gallic) -āco(n), latinizat en -acum dins los tèxtes, pausa pas de problèma e se lo nom es pas un transferiment, Caussac èra una anciana granda proprietat antica. Demòra a trobar lo nom del mèstre, en partent del nom medieval Calsac. Calsac o Calçac pòt venir d'un nom latin d'òme, Calicius ^[7], mas lo nom gallés Caletios (probablament derivat de *Caletos, « lo dur ») ^[8] conven a la rigor : dona regularament *Calzac, mas l'assordiment de -z- darrèr una consonanta es pas impossible. I a benlèu d'autras solucions. La grafia es Cauçac se la prononciacion occitana es la que fan supausar la fòrma escrita francesa e las atestacions de la segonda mitat del sègle XVII.

Cautrunes

Las fòrmas ancianas son Caltruna, en 1369, Caltrina, en 1464, Caltrunas, al sègle XVI, Caltrunes, en 1552, Caultrunes, en 1622, Cautrunes, en 1664, Caultrune, 1665 ^[9]. L'origina de Cautrunes poiriá èsser Cartinios, citat per Delamarre ^[10] e per Dauzat ^[11] (o puslèu una varianta *Cartinos, perqué la finala es pas en -inha). Lo nom vendriá toponime per derivacion :*Cartinia, *Cartina. L'evolucion poiriá menar a un temps de polimorfisme entre *Cart- e *Catr-, puèi una fòrma de conciliacion *Cartr-. De *Cartrina, una dissimilacion menariá a *Caltrina (la fòrma de 1464). Veire Chartrené, ancian Cartiniacus al sègle VI. Possibilitat fragila.

Fontanelhas

Fontanelhas en 1522, Fontanilhas en 1522, Fontanelhes en 1616, Fontanilles en 1629, Fontanhles en 1662, Fontaneilles (non datat), Fontaneilhes en 1664, Fontanelles en 1672, Fontenilles en 1747, Fontanilhes en 1771^[12]. Fontenille en francés.

Nierestanh

Nigrum Sungum en 1316, Nigrum Stagnum en 1466, Nierescanh en 1485, Castrum de Myrum Estangnum (non datat), de Myrum-Estangum en 1504, Nigrum Stangum en 1531, Nierestang en 1773, Nierestan en 1784^[13].

Probablament d'estanh e de la fòrma occitana anciana nier venent del latin nigrum ("negre").

Nosièras

La forteresse de Nozières en 1381, Nozieras en 1464^[14]. Nozières en français.

Renhac

Las fòrmas ancianas son Renhac, en 1622, Reniac, en 1655 ^[15]. Renhac es atestat tardivament e lo nom es benlèu un transferiment. Se n'es pas aital, Renhac es format d'un nom d'òme galloroman, Renius, del gallés Renos (Dauzat e Rostaing), o d'un nom d'òme gallés Renios o Rennios (Delamarre) amb lo sufixe gallés -āco(n) ^[16],[17]. Renhac èra doncas benlèu una anciana granda proprietat antica qu'aviá per mèstre Ren(n)ios.

Istòria

Aquesta seccion es voida, pas pro detalhada o incompleta. Vòstra ajuda es benvenguda !

Administracion

Lista dels cònsols successius

Periòde		Identitat	Etiqueta	Qualitat
març de 2011	2020	Alain Bruneau	divèrs esquèrra	retirat
1995	2011 (mòrt)	Jean-Claude Maurel
	1995
Totas las donadas non son pas encara conegudas.

• Jussac saguèt successivament dels cantons d'Orlhac, en 1793, d'Orlhac-sud, en 1801, d'Orlhac-1, en 1973, de Jussac (capluòc), en 1985 ^[18] e, dempuèi la refòrma cantonala de 2014, aplicada en 2015, la comuna es del canton de Naucèla.

Demografia

modificar « persona »  v · d · m  Evolucion demografica Populacion comunala actuala (2013): 1976, totala: 2026
1793	1800	1806	1821	1831	1836	1841	1846	1851
1 252	1 115	1 311	1 642	1 535	1 553	1 507	1 502	1 339
1856	1861	1866	1872	1876	1881	1886	1891	1896
1 572	1 529	1 505	1 489	1 440	1 458	1 478	1 455	1 476
1901	1906	1911	1921	1926	1931	1936	1946	1954
1 365	1 337	1 418	1 183	1 047	1 053	1 073	1 003	1 031
1962	1968	1975	1982	1990	1999	2006	2007	2008
1 058	1 204	1 685	1 825	1 865	1 780	1 818	1 820	1 837 1 890
2009	2010
1 853 1 909	1 871 1 927
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

Luòcs e monuments

• La capèla de Jussac situada sus la còla d'Autariba (nom supausat; fr Hauterive).
• La glèisa de Sant Martin, situada dins lo borg e la font Sant Martin.
• Lo castèl de Fontanelhas (nom probable; fr Fontenille)
• Lo castèl de Nosièras (nom supausat; fr Nozières)
• Lo fòrt de Nierestanh (nom supausat; fr Nierestang o Neyrestang), fèu amb castèl situat suls bòrds de l'Autra (fr Authre), uèi desparegut.

Clicatz sus una vinheta per l’agrandir.

• 
  Castèl de Fontanelhas e son païsatge.
• 
  Vièlha bastissa abans Jussac.

Personalitats ligadas amb la comuna

Véser tanben

Ligams extèrnes