Justin Trudeau

Justin Trudeau (nascut lo 25 de decembre de 1971 a Ottawa, Ontàrio), es un òme politic canadian, 23n e actual primièr ministre de Canadà, en foncion dempuèi 4 de novembre de 2015.

Justin Trudeau
Primièr ministre de Canadà
Mandat
4 de novembre de 2015–En cors
Predecessor	Stephen Harper
Biografia
Naissença	25 de decembre de 1971 Ottawa
Conjunt	Sophie Grégoire (2005–2023)
Nacionalitat	Canadiana
Alma mater	Universitat McGill Universitat de la Colòmbia-Britanica
Profession	Politician
Religion	Catolicisme

Accedís a aquel pòste a la seguida de l'eleccion federala emportada pel Partit liberal.

Originas e vida privada

Justin Trudeau es lo fils de Pierre Elliott Trudeau, 15n primièr ministre del Canadà^[1] e de Margaret Trudeau. Los enfants de Trudeau grandiguèron a Montréal. Obten un bachelierat en literatura anglesa a l'universitat McGill e un bachelierat en educacion a l'universitat de Colómbia Britanica. En 1994, abans de viatjar amb d'amics França, Espanha, Marròc, Benin, Russiea, China, Tailàndia e Vietnam^{[S 1]}, trabalha coma expulsaire de discotèca.

De retorn al Canadà, es ensenhaire de francés a West Point Grey Academy e a l'escòla secondària Sir-Winston-Churchill a Vancouver. En 2002, torna s'establir a Montréal e comença d'estudis d'engenhaire a l'Escòla politecnica de Montreal entre 2002 e 2003^{[S 2]}. Trabalha per l'estacion de radio CKAC en 2004. De 2005 à 2006, es inscrich a una mestresa en geografia environamentale a l'universitat McGill^{[S 2]}.

Se marida lo 28 de mai de 2005 amb Sophie Grégoire, animatritz de television, e instructritz de iòga. An tres enfants nomenats Trudeau: Xavier James (18 d'octobre de 2007), Ella-Grace (15 de febrièr de 2009) e Hadrian (28 de febrièr de 2014).

Lo 31 de març de 2012, fa KO après sièis minutas lo senator conservator Patrick Brazeau, pendent d'un combat de bòxe caritatiu contra li càncer^[2]. Es elegit personalitat de l'annada 2015 per La Premsa canadiana^[3].

Pojada politica

Deputat federal

Lo 29 d'abril de 2007, Trudeau es causit pels militants del Partit liberal del Canadà coma candidat dins la circonscripcion de Papineau que l'electorat es un dels mai diversificats sul plan sociocultural e un dels mai paures al Canadà^{[S 3]}. Pren lo sètge en batent la deputada sortissenta Vivian Barbot (Blòc quebequés). Es elegit de nòu en 2011 e 2015.

Cap del Partit liberal

Trudeau en campanha a Vancouver, en 2015.

Trudeau es candidat al cap del Partit liberal, après la demission de Michael Ignatieff. Ganha l'eleccion amb 80,1 % dels 104000 vòtes exprimits^[4]. Dintra en foncion coma cap del Partit liberal lo 14 d'abril de 2013.

Lo 19 d'octobre de 2015 son partit empòrta las eleccions federalas es designat Primièr ministre coma cap de lista pel governaire general del Canadà, David Lloyd Johnston. Los liberals obenon 184 mandats a la Cambra, siá 150 de mai per la 41a legislatura.

Premièr ministre del Canadà

Fa son jurament lo 4 de novembre de 2015 venent lo 23n primièr ministre succedissent a Stephen Harper.

Trudeau a l'Ostal Blanc amb Barack Obama, en 2016.