Lengas obanguianas

Las lengas obanguianas son una familha de lengas que la classificacion es discutida. Son parladas en Republica de Centrafrica.

Istòria

En 1955, Joseph Greenberg, dins son libre Languages of Africa, prepausa una branca de lengas adamaua-obanguianas estacada a las lengas nigèrocongolesas. Aquel grop de lengas es constituït de las lengas adamawa e de las lengas obanguianas.

Aquela ipotèsi es fòrtament contradicha per Roger Blench (2012)^[1]. Blench remplaça las lengas adamawa-obangui per una familha de lengas savanas, que demòra una branca del nigèrocongolés, mas amb una composicion intèrna modificada e acampada amb las lengas gor.

Per Gerrit Dimmendaal (2008), las lengas obanguianas son pas aparentadas a las lengas adamawa e, alaidonc, fan pas part del nigèrocongolés. L'ipotèsi la mai logica es que forman una familha de lengas independenta.^[2].

Per Yves Moniño (2010)^[3], las lengas gbaya e las lengas zande devon èsser trachas del obanguian e son mai pròchas de las lengas gor.

Classificacion

Segon Blench e Williamson (2000), la classificacion de l'obanguian es^[4]:

• lengas banda
• lengas ngbandi
• lengas sere–mba
  • lengas sere
  • lengas ngbaka–mba
    • lengas ngbaka (diferent de la lenga gbaya de meteis nom)
    • lengas mba