Los Passatges
From Wikipedia, the free encyclopedia
Remove ads
Los Passatges (Pasaia oficiaument en basco) qu’es ua comuna gascona[1] de lenga basca. Administrativament, qu’es de la província de Guipuscoa dens la comunautat autonòma espanhòla deu Bascoat. Qu'i parlèn gascon dinc a la purmèra mitat deu s. XX.[2],[3],[4],[5] Lo caplòc que n'ei Sent Joan (Pasai Donibane en basco).[6]
Remove ads
Remove ads
Toponimia e istòria
Dus Passatges que son d'un latz e de l'aute d'un braç de mar: Sent Joan e Sent Pèir. Que son creats au s. XV per gascons.[7] Lo pòrt que's disèva abans Puerto de Oyarza o Puerte de Oyarzun. Sent Joan, a l'èst, qu'estó aperat Pasages de Francia e qu'apartengó a Hont Arràbia dinc a 1770, quan e vadó independent devath lo nom de Pasages.[7] Qu'ei coneishut en basco com Pasai Donibane.[6] Sent Pèir, a l'oèst, qu'estó aperat Pasages de España e qu'apartengó a la comuna de Sent Sebastian dinc a 1805.[7] Qu'ei coneishut en basco com Pasai San Pedro.[8]
En 1777, qu'estó deus Passatges qui La Faieta e partigó entà aidar l'insurreccion americana.
La municipalitat de Pasages (nom en espanhòu) qu'estó estenuda en 1805 per l'arrei Carles IV qui fusionè los dus Passatges.[7] Las manòbras de la comuna de Sent Sebastian que s’escadón a obténguer, en 1809, de l’arrei Jausèp Bonaparte, la reïntegracion de Sent Pèir dens Sent Sebastian. Totun aquera reïntegracion qu’estó anullada en 1813 un còp l’ocupant caçat. Enter 1868[9],[10] e 1891[11] qu'ei separada en duas comunas, Pasajes de San Juan e Pasajes de San Pedro. Ua darrèra tentativa de Sent Sebastian non s'escad pas de plan en 1945.[12] L'ortografia espanhòu modèrna qu'ac escriu Pasajes.
Comunas a l'entorn deus Passatges
Remove ads
Tanben véder
Nòtas
Wikiwand - on
Seamless Wikipedia browsing. On steroids.
Remove ads