Noëlle Perna

Noëlle Perna, dicha Mado la Niçoise, nascuda en Argeria francesa lo 31 de julhet de 1954 a Philippeville (uèi Skikda), es una umorista e actritz francesa.

Mado la Niçoise sus l'empont en 2017

Los parents de Noëlle Perna son Pès negres d'origina italiana. Arribats en Occitània a Niça (Provença), reprenon lo « Bar des Oiseaux » (Bar dels Aucèls) situat dins lo barri vièlh de la ciutat.

A vint ans, Noëlle Perna repren la gestion de l'estanquet niçard de sos parents. Se produtz alavetz en espectacle darrièr son taulièr. Puèi, obrís còsta son estanquet un pichon teatre en 1999 ont i jòga sus l'empont de representacions, en convidant tanben d'artistas locals. Sa capitada creissenta, comença alavetz de jogar dins divèrsas salas d'espectacle un pauc pertot en Occitània, e en 2002, figura pel primièr còp dins una programacion importanta, ambe entre autres Gad Elmaleh e Jean-Marie Bigard.

En 2003, jòga son primièr espectacle a París (França), al Théâtre de Dix Heures, ambe lo nom de Mado la Niçoise.^[1]

Particularitat de son umor

Sos diferents personatges e las scenetas interpretadas se fondan sus las observacions dels clients de son bar. Noëlle Perna basa donc son umor sus l'etnotipe occitan, en emplegant lo francés, quitament lo francitan, coma es parlat a Niça pels autoctòns occitans, ambe lo lo famós « accent del Miègjorn » e de segur la supausada gestuala fòrça teatrala dels Provençals.

Filmografia

Annadas 2010

• 2010 : Le Thanato de Frédéric Cerulli
• 2013 : Repas de famille de Pierre-Henry Salfati e Les Chevaliers du Fiel
• 2016 : Marseille de Kad Merad
• 2016 : Brice 3 de James Huth