Ousmane Dieng
From Wikipedia, the free encyclopedia
Remove ads
Ousmane Dieng (nascut lo 21 de mai de 2003 a Vilanuèva d'Òlt) es un jogaire de basquetbòl professional occitan de l'equipa Oklahoma City Thunder campiona de la National Basketball Association (NBA) en 2025.
Remove ads
Joventut
Dieng cresquèt en Òlt e Garona. Lo paire Ababacar, sortit de Senegal, èra un ancian jogaire de basquetbòl professional en França.[1][2]
Al nivèl juvenil, Dieng joguèt pel Villeneuve Basket Club e JSA Bordeaux.[3] Estudièt a l'INSEP a París, e participèt amb son equipa de mens de 18 ans al Next Generation Tournament.[4]
Carrièra professionala
Centre Federal (2020-2021)
En la sason 2020-21, Dieng faguèt una mejana de 12,6 punts, 5,8 rebonds, e 2,9 ajudas per jòc pel Centre Federal dins la Nationala Masculina 1.[5]
Breakers de Nòva Zelanda (2021-2022)
Lo 1èr de junh de 2021, Dieng anoncièt que jogariá pels New Zealand Breakers de la National Basketball League (NBL) la sason 2021-22, amb lo sieu collèga francés Hugo Besson. Venguèt lo primièr jogaire europèu a s'unir al programa Next Stars de la liga per desvolopar de perspectivas del Draft de l'NBA. Dieng aviá tanben estat recrutat per de grands programas de basquetbòl universitari e la NBA G League Ignite.[6] Dieng daissèt los Breakers lo 17 d'abril de 2022 per se preparar pel draft de 2022 de l'NBA.[7]
Oklahoma City Thunder / Blue (2022-present)
Dieng foguèt seleccionat amb la onzena causida pels New York Knicks dins lo draft de 2022 de l'NBA, e foguèt sul pic transferit als Oklahoma City Thunder en cambi de tres causidas del primièr torn de 2023.[8] Lo 15 d'abril de 2024, ganhèt lo títol de la NBA G League amb l'Oklahoma City Blue e foguèt nomenat lo jogaire del campionat mai valent après aver obtengut 25 punts, sièis taulas, quatre assisténcias e dos blocs dins la victòria contra los Maine Celtics.[9]
Remove ads
Carrièra de l'equipa nacionala
Dieng representèt França al Campionat d'Euròpa FIBA U16 de 2019 en Itàlia. Obtenguèt una mejana de 8,9 punts, 3,6 ajudas e 2,7 rebonds per jòc, ajudant son equipa a ganhar la medalha d'argent.[10]
Referéncias
Wikiwand - on
Seamless Wikipedia browsing. On steroids.
Remove ads