Partit de la Nacion Occitana
From Wikipedia, the free encyclopedia
Remove ads
Lo Partit de la Nacion Occitana o PNO es un movement politic occitan, de tendéncia independentista, fondat a Niça en 1959 per Francés Fontan. Se disiá fins en 2004 Partit Nacionalista Occitan.
Los presidents successius del PNO son estats Francés Fontan (de 1959 a 1979), Jaume Ressaire (de 1979 a 2009) e Felip Bonet (2009-2011). Dempuèi la demission d'aqueste, la presidéncia es venguda collegiala entre Pèire Barral,[1] Gèli Grande (defuntat en 2022)[2] e Joan-Pèire Alari.[3]
Lo PNO publica dempuèi 1971 una revista trimestrala, Lo Lugarn.
Remove ads
Eleccions
Presidencialas de 1974 (França)
En 1974, lo Partit Nacionalista Occitan sosten la candidatura del federalista Guy Héraud vist qu'es l'un dels pensaires de l'etnisme ambe Francés Fontan.
Municipalas de 1978 (Itàlia)
En 1978, jos l'etiqueta MAO per « Movimento Autonomista Occitano » (Movement Autonomista Occitan), lo Partit Nacionalista Occitan obten una capitada electorala a Fraisse, un vilatge de las valadas occitanas del Piemont.
Legislativas de 1986
A las eleccions legislativas a la proporcionala de 1986, lo Partit Nacionalista Occitan se presentèt ambe son president Jaume Ressaire coma cap de lista dins lo departament de Gard, pasmens sens succès.
Regionalas e europèas de 2004 (França)
En 2004, lo Partit de la nacion occitana a fach aliança ambe d'autras formacions occitanistas (País Nòstre, Movement Regionalista Lengadocian) e de catalanistas a las eleccions regionalas en Lengadòc-Rosselhon sus la lista « Les Régionalistes » menada per Christian Lacour, lista qu'a obtengut al mes de març 1,27 % de las voses.[4] Christian Lacour foguèt tornamai lo cap de lista « Les régionalistes : Occitanie, Catalogne, Euskadi » aquesta meteissa annada de 2004 (12 e 13 de junh) a las eleccions europèas dins la circonscripcion Sud-Oèst de França.
Legislativas de 2007
A las eleccions legislativas 2007 en França, lo PNO presenta entre autras la candidatura de Felip Bonnet dins la 8na circonscripcion Comenge-Savés de Nauta Garona, la de Jaume Ressaire dins la 3na de Gard, la de Nathalie Vieillefon dins la 4na de Gard.[5]
Cantonalas de 2011
En 2011, lo PNO presentèt un candidat a las eleccions cantonalas de 2011 dins lo canton de Preishàs, dins Agenés.[6]
Municipalas de 2014
Lo Partit de la nacion occitana a participat activament al movement Bastir! pendent las eleccions municipalas de 2014 en França.[7] Jos aquela etiqueta, lo PNO a obtengut dos conselhièrs municipals, un a Luceram en Provença, e Felip Bonnet a Marinhac dins lo Comenge.
Europèas de 2014
Còp-sec après las eleccions municipalas en França, lo PNO monta una lista simbolica « Occitània, per una Euròpa dels pòbles » a las eleccions europèas del 25 de mai de 2014.[8]
Cantonalas (departamentalas) de 2015
Encara dins l'encastre del movement Bastir!, e en aliança ambe d'ecologistas, lo PNO a presentat de candidats a las eleccions departamentalas de 2015 dins 6 cantons del Gers jos l'etiqueta « Libres et Indépendants pour le Gers » (LIG, Liures e Independents pel Gers).[9]
Regionalas de 2015
Al mes de decembre de 2015, lo PNO participa a la lista « Le Bien Commun » menada pel deputat ecologista Christophe Cavard.[10][11]
Legislativas de 2017
En 2017, lo PNO presenta pas qu'una sola candidatura a las eleccions legislativas, un còp de mai dins la 8na circonscripcion Comenge-Savés de Nauta Garona, e aqueste còp, una candidatura comuna ambe Bastir Occitània.[12]
Municipalas de 2020
Lo PNO a tanben agut qualques aderents candidats dins l'encastre del front occitanista Occitània País Nòstre a las eleccions municipalas de 2020 en França.[13]
Regionalas de 2021
En 2021, lo PNO participa en Occitània Centrala a la lista « Bastir Occitanie 2021 » menada per Joan-Luc Davezac, una lista d'aliança d'Occitània País Nòstre ambe en particular Resistim, lo partit de Joan de Lassala.
Legislativas de 2022 e de 2024
A las eleccions legislativas de 2022 en França, lo PNO s'èra contentat de sosténguer las candidaturas de Bastir Occitània (11 en Occitània centrala, e una de la diaspora occitana a París), e tres candidaturas de Resistim, lo partit de Joan de Lassala (sus las 5na e 6na circonscripcions de Nauta Garona, e la de Gérard Lenfant[14] dins la segonda circonscripcion d'Aude).[15]
Per contra, en 2024, lo PNO presenta oficialament tres candidaturas a las eleccions legislativas, doas comunas ambe Bastir Occitània (primièra circonscripcion d'Òlt e Garona e 8na circonscripcion Comenge-Savés de Nauta Garona), e una sostenguda per Joan de Lassala sus la 5na circonscripcion de Nauta Garona.[16]
Remove ads
Ligams extèrnes
Vejatz tanben
Referéncias
Wikiwand - on
Seamless Wikipedia browsing. On steroids.
Remove ads