Robert Palmer

Robert Palmer èra un cantaire anglés nascut lo 19 de genièr de 1949 a Batley, dins lo comtat de Yorkshire (Anglatèrra), e mòrt lo 26 de setembre de 2003 a París (França).^[1]

A cantat dins mantunes estilis musicals, de la musica soul al jazz en passant pel ròck, la new wave, lo reggae o encara lo blues.

Lançat a la fin de las annadas 1970 per la cançon Every Kinda People, es sustot revelat de cap la fin de l'annada 1980 en Occitània per son tube new wave Johnny and Mary. Demest sas autras capitadas, se pòt tanben citar Looking for clues (en 1981), Pride (fin 1982, debut de 1983) , Addicted to Love (en 1986) o encara I'll Be Your Baby Tonight, una represa de Bob Dylan fin 1990 debuta 1991 en version reggae ambe lo grop UB 40.

Every Kinda People foguèt un tube vertadièr dins los païses anglofòns tre 1978. Pasmens, emplegada dins una publicitat de marca de cervesa a la television francesa, ven fòrça coneguda tanben en Occitània a partir de 1982. Puèi, aquesta cançon foguèt un tube en França en 1987 en estant represa pel grop Mint Juleps, çò qu'aguèt tanben de resson la meteissa annada per la version originala de Robert Palmer. Enfin, en 1992, a l'escadença de la publicacion d'una compilacion, Robert Palmer ne sortiguèt una novela version ambe d'adobaments novèls.

Cançons mai conegudas en Occitània

• Every Kinda People (1978, 1982, 1987 e 1992)
• Johnny and Mary (1980)
• Looking for clues (1981)
• Pride (1982)
• Addicted to Love (1986)
• I'll Be Your Baby Tonight (1990, represa de Bob Dylan, ambe UB 40).
• Mercy mercy me / I want you (1991, represa mesclada de doas cançons de Marvin Gaye)