Robert Redford

Charles Robert Redford, Jr, dit Robert Redford, nascut lo 18 d'agost de 1936 a Santa Monica (Califòrnia) e defuntat lo 16 de setembre de 2025 a Sundance (Utah), foguèt un actor, realizator e productor american.

Robert Redford
Robert Redford en 1971.
Biografia
Signatura

Considerat coma una de las figuras pus importantas e influentas del cinèma american, incarnèt des ròtles marcants dins de classics qu'encontrèron un bèl succès critic e comercial.

Comencèt sa carrièra dins los ans 1950 a la television abans de se faire conéisser al cinèma dins los ans 1960. Venguèt celèbre en 1969 avec Butch Cassidy e lo Kid, un western emblematic als costats de Paul Newman, que marquèt l'inici d'una de las collaboracions pus memorablas del cinèma. En 1973, retrobèt Newman dins L'Engana (que li valguèt la nominacion a l'Oscar del melhor actor), un filme qu'emportèt set Oscars, dont aquel del melhor film. Lo meteis an, joguèt dins Nòstras pus bèlas annadas als costats de Barbra Streisand. Actor que traiguèt mai d'espectators als Estats Units entre 1974 e 1976, Robert Redford s'afirma coma un dels actors pus populars d'Hollywood amb de ròtles dins los filmes de Sydney Pollack que son de succèses coma Jeremiah Johnson (1972), Los Tres Jorns del Condòr (1975), e Out of Africa (1985), que i joguèt als costats de Meryl Streep.

Coneguèt un succès retentissent coma realizator, tre son primièr filme, De monde coma los autres (1980), qu'emportèt quatre Oscars, dont aquel del melhor filme e del melhor realizator. Sa carrièra de realizator se confirmèt amb E al mitan cola una ribièra (1992), L'Òme que mormolhava a l'aurelha dels cavals (1998) e Quiz Show, aqueste li valguèt dos nominacions als Oscars, dins las categorias melhor filme e melhor realizator.

En 2005, joguèt amb Jennifer Lopez e Becca Gardner dins Una vida inacavada.

Recèp las distincions civilas e cinematograficas pus prestigiosas als Estats Units e a l’internacional dont l'Oscar d'onor, un BAFTA Award, dos Golden Globe Awards, e lo Cecil B. DeMille, lo Kennedy Center Honors en 2005, la Presidential Medal of Freedom en 2016 e lo Cesar d'onor en 2019. Es nomenat per Time coma una de las 100 personas pus influentas al monde en 2014.

En 1981, fondèt lo Sundance Institute que pairina lo festenal del filme de Sundance. Gràcia a son influéncia, Sundance es vengut un eveniment clau del paisatge cinematografic mondial, contribuissent a la descobèrta de talents tals que Quentin Tarantino, Steven Soderbergh e Darren Aronofsky.

Robert Redford joguèt pel darrièr còp dins lo filme Avengers: Endgame en 2019, filme qu'obtenguèt lo segond pus gròs resultat al box-office de totes los temps.