Sant Felitz de Lauragués

Sant Felitz de Lauragués^[1] o Sant Felitz de Caramanh (Saint-Félix-Lauragais en francés) es una comuna occitana situada dens lo departament de la Nauta Garona e la region d'Occitània, ancianament de Miègjorn-Pirenèus.

Vilatge d'Occitània

Sant Felitz de Lauragués Saint-Félix-Lauragais
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Sant Felitz de Lauragués.
Armas
Geografia fisica
Coordenadas	43° 26′ 59″ N, 1° 53′ 18″ E
Superfícia	51,88 km²
Altituds  · Maximala  · Mejana  · Minimala	341 m 325 m 178 m
Geografia politica
País	Lengadòc
Parçan	Lauragués
Estat	França
Region 76	Occitània
Departament 31	Nauta Garona
Arrondiment 313	Tolosa
Canton 3125	Revèl
Intercom 243100567	CC d'A las Fonts del Canal del Miègjorn
Cònsol	Alain Bourrel (2020-2026)
Geografia umana
Populacion Populacion totala (2018)	1 270 ab. Evolucion de la populacion 1 304 ab.
Densitat	25,06 ab./km²
Autras informacions
Còde postal	31540
Còde INSEE	31478

Sant Felitz de Lauragués

Geografia

Sant Felitz de Lauragués es una anciana bastida de Lauragués situada sus l'anciana rota nacionala 622 a 40 km a sud-èst de Tolosa. La comuna confronta lo departament d'Aude.

Comunas a l'entorn.

Perimètre del territòri

Comunas confrontantas de Sant Felitz de Caramanh

Le Cabanial Auriac de Vendinèla Le Falgar	Sent Julian	Montagut de Lauragués Romens
Le Bauç Belestar de Lauragués		Revèl
Les Casses (Aude) Sant Paulet (Aude)	Sopèrs (Aude)	La Pomareda (Aude) Puginièr (Aude)

Toponimia

Las fòrmas ancianas son de illo castello de Sancto Felice, cap a 1035, P. Barrau de Sant Feliz, cap a 1168, ^[2], Sant Felis en 1428 ^[3].
Segon Dauzat e Rostaing, le nom de Sant Felitz es le de tres papas canonizats, d'avesques e martirs, dont un martir a Girona en 304^[4].
Sense precisar mai, Negre nòta que Felix es le nom de 39 sants dins l'Acta Sanctorum ^[2].
Le determinant, quand n'i agèt un, foguèt la vila de Caramanh, situada a un quinzenat de km al nòrd-oèst, e, oficialament dempuèi 1921, le Lauragués^[5].

Cadenac

Benlèu, coma Capdenac, segon Dauzat, nom latin d'òme Capito, Capitonis, ambe'l sufixe -acum ^[6] (caldriá la prononciacion exacte, mès en lengadocian meridional, l'evolucion es pas aisida : normalament, -p- daissa quicòm). O eventualament nom gallic Catalos e -ācon > *Cadalag-, puèi dissimilacion vocalica *Cadelag e nasalizacion de la liquida.

Graissens

Benlèu nom latin d'òme Grassius (fauta de nom germanic), sufixe germanic -ing(os) ^[7]. Per l'iniciala, Grassius es probablament una sonorizacion de Crass(i)us, nom plan atestat.

La Jalabertiá

A l'origina, la proprietat de Jalabèrt. Nom posterior als sègles XIV-XV.

Istòria

Pigassa neolitica - Musèu d'Istòria Naturala de Tolosa

• Lo territòri de la comuna es poblat dempuèi lo Neolitic, coma o atesta lo mobilièr preïstoric trobat dins la comuna e collecionat per Enric de Severac (1831-1904), fraire del pintor Gilbèrt e oncle del musician Deodat. Una part de sa colleccion es vesedoira al Museum de Tolosa.
• Lo vilatge èra conegut tanben coma Sant Felitz de Caraman. En 1167 los catars se serián amassats aici al concili de Sant Felitz de Lauragués jos la presidéncia del pope Nicetas avesque dels Bogomils. a consolèt los avesques catars de França, de Lombardia, de Tolosa, Albi, Agen e Carcassona. En realitat, aquel fait, consignat dins un fals abile del sègle XVII, seriá legendari e non atestat per l'istòria ^[8].
• Dempuèi 1972, lo vilatge aculhís la fèsta de la Cocanha (del nom de la tintura blau pastèl) durant la dimenjada de Pascas.

Pendent l'Ancian Regime, Sant Felitz, Saint-Félix-de-Caraman, èra de la diocèsi civila de Tolosa, doncas de la província de Lengadòc, de la generalitat de Tolosa e de la senescauciá de Lauragués. La comunautat de Sant Felitz èra despartida entre las diocèsis de Tolosa (Sant Felitz e La Pastourie), Sant Pàpol (Cadenac e Graissens) e La Vaur (La Jalabertie). Le vocable de la glèisa es Sant Fèlitz. En 1790, Sant Felitz èra caplòc de canton. En 1801, le canton de Revèl fosquèc suprimit e incorporat al canton de Sant Felitz, que dependiá de l'arrondiment de Vilafranca. En 1802, le caplòc passèt de Sant Felitz a Revèl. Oficialament, Saint-Félix venguèc Saint-Félix-Lauragais per decret del 22 de junh 1921 ^[9].

La Pastourie, de la comunautat de Sant Felitz pendent l'Ancian Regime, èra de la diocèsi de Tolosa e de la senescauciá de Lauragués. Le vocable de la glèisa, annèxa de Sent Julian, es Sant Germièr ^[10]. La Pastoriá (nom supausat) es al nòrd-nòrd-oèst de Sant Felitz. La glèisa ^[11] e'l cementèri son a 500 m del vilatge.

Cadenac, de la comunautat de Sant Felitz pendent l'Ancian Regime, èra de la diocèsi de Sant Pàpol e de la senescauciá de Lauragués. Aquela parròquia fosquèc una comuna del canton de Sant Felitz entre 1790 et l’an III, puèi suprimida. Le vocable de la glèisa es Sant Prim ^[12]. Graissens (meteissas apertenéncias) venguèc tanben una comuna del canton de Sant Felitz entre 1790 et l’an III, puèi suprimida. Le vocable de la glèisa, annèxa de Sant Paulet, es Sant Pèire ^[13]. Cadenac es a l'èst de Sant Felitz, Graissens al sud-sud-èst. Gardan sa glèisa ^[14]e son cementèri.

La Jalabertie, de la comunautat de Sant Felitz pendent l'Ancian Regime, èra una parròquia de la diocèsi de La Vaur e de la senescauciá de Lauragués. Aquela parròquia fosquèc comuna del canton de Sant Felitz entre 1790 et l’an III, puèi suprimida. Le vocable de la glèisa es Sant Salvador ^[15]. La Jalabertiá (nom supausat) es a l'èst de la comuna (un gròs km al nòrd del cairefòrc entre la RD 622 e la RD 624, ancianas nacionalas) e garda sa glèisa e son cementèri.

Le diccionari de las localitats cita la parròquia de Saint-Pierre-de-Calvairac e la plaça dins Sant Felitz, p. 44, mès tanben Calvayrac p. 9 dins Revèl ^[16]. La glèisa es ara al limit entre las doás comunas, mès costat Revèl, al lòc escrit St-Pierre sus la mapa IGN modèrna. Non se sap res del territòri parroquial.

Pendent l'Ancian Regime, la parròquia de Saint-Pierre-des-Aygats (Sant/Sent Pèire dels Aigats), ara Sent/Sant Pèire, èra de l'archidiocèsi de Tolosa e de la senescauciá de Lauragués. Le vocable de la glèisa, annèxa de Cambiac, es Sant Pèire. La parròquia èra (segon lo diccionari de las localitats) situada dins la comunautat de Sant Felitz, mès auèi la glèisa es dins la comuna del Bauç ^[17]. La mapa IGN actuala pòrta St-Pierre d'Aygats a l'oèst-nòrd-oèst de Sant Felitz e al nòrd-nòrd-oèst del Bauç (St Pierre-des-Aygats sus la mapa de las annadas 50). Lo lòc, sus una tuqueta, es pas expausat als risques d'aigats.

Administracion

Lista dels cònsols successius

Periòde		Identitat	Etiqueta	Qualitat
mai de 2020	(2026)	Alain Bourrel
març de 2001	2020	André Rey	divèrs esquèrra	agricultor, president de la CC (2014-2020)
junh de 1995	2001	Hubert Roques		director d'escòla
1989	1995	Hervé Fabre
1983	1989	Louis Marty		agricultor
1977	1983	Pierre Fraisse
1965	1977	Raymond Lanjard
1945	1965	Marcel Daydé
1919	1945	Louis d'Auberjon
1877	1919	Alfred d'Auberjon
	1877
Totas las donadas non son pas encara conegudas.

• Abans la refòrma cantonala de 2014, aplicada en 2015, la comuna èra del canton de Revèl e i es demorat desempuèi.

Demografia

modificar « persona »  v · d · m  Evolucion demografica Populacion comunala actuala (2013): 1300, totala: 1337
1793	1800	1806	1821	1831	1836	1841	1846	1851
2 404	3 020	2 795	2 634	2 610	2 800	2 698	2 855	2 911
1856	1861	1866	1872	1876	1881	1886	1891	1896
2 732	2 696	2 571	2 491	2 478	2 293	2 339	2 239	2 049
1901	1906	1911	1921	1926	1931	1936	1946	1954
1 994	1 910	1 951	1 700	1 691	1 677	1 596	1 495	1 456
1962	1968	1975	1982	1990	1999	2006	2007	2008
1 349	1 192	1 110	1 188	1 177	1 301	1 348	1 354	1 362 1 390
2009	2010
1 352 1 381	1 336 1 373
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• es interessant de comparar l'evolucion demografica de Sant Felitz e la de Revèl, mai que mai a partir de la segonda mitat del sègle XIX; la comparason dona l'impression d'una captura de las foncions urbanas de Sant Felitz.
• En 2018 la populacion èra de 1270 abitants e la densitat èra de 24,48 ab/km².

Lòcs e monuments

• 
  L'ostal de vila.
• 
  La glèisa.
• 
  Lo mercat cobèrt.
• 
  Lo castèl, faciada sud-oèst.

Clicatz sus una vinheta per l’agrandir.

Personatges ligats amb la comuna

• Pèire Duesa
• Deodat de Severac
• Sicard Alaman
• Guilhem de Nogaret

Véser tanben

• Comunas de la Nauta Garona

Ligams extèrnes