Shen Kuo

Shen Kuo (1031, Hangzhu - 1095, Zhenjiang) es un sabent e foncionari governamentau chinés dau periòde Song. Ministre dei Finanças e inspector dei servicis de l'Estat, foguèt tanben un inventor prolific que s'interessèt a la màger part dei domenis scientifics de son epòca. En particular, es l'autor dau Mengxi Bitan, un libre que depinta fòrça instruments (compàs, esfèra armillara, gnomòn, telescòpi, etc.^[1]). Desvolopèt tanben plusors procès tipografics. En astronomia, participèt ai recèrcas sus lo nòrd astronomic e sus la descripcion deis orbitas de la Luna e dei planetas. En geologia, trabalhèt sus la formacion e l'istòria de la Tèrra e sus l'evolucion dau clima^[2]. Enfin, es l'autor d'una òbra poetica e de comentaris filosofics de tractats taos e confucianistas.

Paginas dau Mengxi Bitan.

Liames intèrnes

• Dinastia Song.
• Mengxi Bitan.

Bibliografia

• (en) Patricia Buckley Ebrey, The Cambridge Illustrated History of China, Cambridge, Cambridge University Press, coll. « Cambridge illustrated history », 1999, 352 p.
• (en) Joseph Needham, Science and Civilization in China, Taipei, 6 volums, Caves Books Ltd, 1986.
• (en) Nathan Sivin, « Shen Kua », dins Science in Ancient China : researches and reflections, Brookfield, Vermont, Variorum, Ashgate Publishing, 1995, 328 p.