Sogdian

Lo sogdian es una lenga iraniana atudada que foguèt parlada en Sogdiana en Tatgiquistan, Ozbequistan, e tamben en Cazacstan e Quirguizstan actuals.

Sogdian

Classificacion lingüistica
Sogdian
Còdis lingüistics
ISO 639-2	sog
ISO 639-3	sog
Glottolog	sogd1245
IETF	sog

Classificacion

Lo sogdian es una lenga iraniana orientala qu'es donc pròcha de las autras lengas iranianas mejanas conegudas en Asia Centrala e en Turkestan, lo bactrian, lo khotanés e lo khwarezmian.

Descubèrta de la lenga

Longtemps, lo sogdian foguèt sonque conegut per qualques mots dins l'òbra d'Al-Bironi. La lenga foguèt vertadierament descubèrta al començament del sègle XX, per las expedicions alemandas, britanicas, puèi francesas, japonesas e russas dins los oasis del Turkestan.

L'exploracion dels sites arqueologics metèt al jorn fòrça manuscrits dins fòrça lengas, lo chinés, lo pèrsa mejan, lo part, lo khotanés e demest aquelas una lenga desconeguda que foguèt identificada coma lo sogdian. Lor preséncia lonh de Sogdiana mostrèt que lo sogdian èra una lingua franca sus la Rota de la Seda^[1]. En 1933, los arqueològs sovietics trobèron dins un castèl del Mont Mugh, dins la valada de Zarafshan, de novèls tèxtes en sogdian^[1]. Los manuscrits van del sègle IV al sègle IX^[1].

Escritura

Los manuscrits que son sovent de natura religiosa, bodistas, crestians e maniquèus, son escriches dins d'alfabets diferents per cada religion. Pasmens mòstran pauc de varacion dins la lenga^[2].