Temple de fuòc

Un temple de fuòc es lo luòc de culte dau zoroastrisme. Es normalament format d'un bastiment unic que contèn plusors salas pichonas. La pus importanta es aquela qu'assosta lo fuòc sacrat, simbòl d'Ahura Mazda. Existís tres nivèus de temples classats segon lor importància : un Atash Bahram es lo tipe de temple lo pus important, un Atash Adaran ocupa una posicion intermediària e un Atash Dadgah es lo tipe de temple lo mens important.

Temple de fuòc actuau de Yazd en Iran.

A temps passat, i aviá tres Atash Bahram que tenián una importància superiora. Dichs « Grands Fuòcs » ò « Fuòcs Reiaus », èran situats a Adur Burzen-Mihr, Adur Farnbag e a Adur Gushnasp. Segon la legenda, èran estats creats per Ahura Mazda eu meteis. Sa localizacion es pas ben conoissuda e èran probable liats au poder reiau en Pèrsia.

Liames intèrnes

• Zoroastrisme

Bibliografia

• Delphine Menant, « L'entretien du feu sacré dans le culte mazdéen », Comptes-rendus des séances de l'Académie des Inscriptions et Belles-Lettres, vol. 46-2, pp. 101-111.