Torn de França

Lo Torn de França es una competicion ciclista per etapas masculina que traversa França ambe d'incursions ocasionalas dins los païses vesins. Sa primièra edicion aguèt lòc en 1903^[1] per aumentar las vendas del jornal L'Auto, organizada per Henri Desgrange e Géo Lefèvre. Dempuèi, la corsa aguèt lòc cada annada, levat del temps de las doas guèrras mondialas.

Quatre correires an emportat cinc còps lo Torn de França : Jacques Anquetil, Eddy Merckx, Bernard Hinault e Miguel Indurain, ven puèi Christopher Froome, amb quatre capitadas a son actiu. Colombia e l'America latina coneisson una primièra capitada amb Egan Bernal pendent l'edicion 2019.