Vilhèras (Gers)

Vilhèras qu'èra ua comuna occitana de Gasconha, situada dens lo departament de Gers e la region d'Occitània, ancianament de Mieidia-Pirenèus. En 1852, qu'estó despartit énter Projan e Segòs.

Geografia

Toponimia

• Vilhèras qu'es lo medish nom que Vilhèra (Bearn) dens l'aglomeracion paulina. Lo plurau qu'èra irregularament emplegat e s'explica benlèu perqué i a Gran Vilhèra e Petit Vilhèra. Los noms de tipe Vilhèra, Vilhèras que vienen de villa dab lo sufixe diminutiu -ella, donc *villella. Segon l'epòca, lo sens qu'es « petita villa » o « petit vilatge, petita comunautat ». Que i a pr'aquò una irregularitat : *villella qu'auré devut donar *vilella, puish *vilèra (cf., per verificacion lo nom lengadocian Vilèla, qui es pas un nom de comuna, mès qu'illustrè Joseph de Villèle, President deu Conselh de la Restauracion e cònse de Tolosa, d'ua familha lauraguesa). La banhadura de l s'explica mau ^[1],[2],[3]. Que's remarca tanben que lo tipe *villella es exclusivament gascon o près deu gascon.
• Visons, Bizous. Se lo nom es ancian, que deriva benlèu deu nom celtic d'òme Bitios, dab lo sufixe -onem. Conferir dab Bisa de Menerbés e dab Bisanet.

Istòria

• Vilhèra(s) qu'avèva annexat Visons en 1822 ^[4]; Bizous qu'es au nòrd-oèst de la comuna de Segòs.
• En 1852, Villères (nom francés, donc Vilhèra(s)) qu'estó despartit énter Projan e Segòs ^[5]. Sus la mapa de Cassini, Pt Bilhere qu'es au nòrd de la comuna e Gd Bilhere qu'es au nòrd-oèst de Segòs. Èran pas parròpias ^[6]. Aqueths noms qu'an dispareishut de la mapa IGN actuala e qu'èran tanben absents de la mapa d'Estat-Major ^[7], realizada quand Vilhèra èra enqüèra comuna. Gran e Petit Vilhèra qu'èran benlèu sengles quartièrs, un principau e un segondari, mès sense aglomeracion d'aqueths noms. Logicament, Projan que ganhè Petit Vilhèra (progression de 80 abitants énter 1851 e 1856) e Segòs Gran Vilhèra e Visons (progression de 200 abitants énter las medishas datas).

Demografia

modificar « persona »  v · d · m  Evolucion demografica Populacion comunala actuala (2013): , totala:
1793	1800	1806	1821	1831	1836	1841	1846	1851
150	87	243	281	313		306	293	340
1962	1968	1975	1982	1990	1999	2006	2007	2008
				Cercar	Cercar	Cercar	Cercar	Cercar
2009	2010
Cercar	Cercar
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008 Evolucion de la populacion 1962-2008

• Lo n° INSEE qu'es lo d'un aute lòc per rasons practicas

Demografia Bisons

modificar « persona »  v · d · m  Evolucion demografica Populacion comunala actuala (2013): , totala:
1793	1800	1806	1821	1831	1836	1841	1846	1851
80	53	67	86				-	-
1962	1968	1975	1982	1990	1999	2006	2007	2008
				Cercar	Cercar	Cercar	Cercar	Cercar
2009	2010
Cercar	Cercar
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008 Evolucion de la populacion 1962-2008

• Lo n° INSEE qu'es lo d'un aute lòc per rasons practicas

Véser tanben

• Projan
• Segòs