ପାଇରାଜିନାମାଇଡ
From Wikipedia, the free encyclopedia
Remove ads
ପାଇରାଜିନାମାଇଡ (ଇଂରାଜୀ ଭାଷାରେ Pyrazinamide) ଏକ ଔଷଧ ଯାହା ଯକ୍ଷ୍ମା ରୋଗର ଚିକିତ୍ସାରେ ଦିଆଯାଏ । [୨] ସକ୍ରିୟ ଯକ୍ଷ୍ମା ନିମନ୍ତେ ପାଇରାଜିନାମାଇଡ, ଆଇସୋନିଆଜିଡ, ରିଫାମ୍ପିସିନ ସହିତ ସ୍ଟ୍ରେପ୍ଟୋମାଇସିନ (streptomycin) ଅଥବା ଇଥାମ୍ବୁଟଲ ଦିଆଯାଏ । [୩] ଗୁପ୍ତ ଯକ୍ଷ୍ମା ନିମନ୍ତେ ଏହା ସାଧରାଣତଃ ଦିଆଯାଏନାହିଁ ।[୨] ଏହି ଔଷଧ ପାଟିରେ ଦିଆଯାଏ । [୧]
ପାଇରାଜିନାମାଇଡର ସାଧାରଣ ପାର୍ଶ୍ୱ ପ୍ରତିକ୍ରିୟାରେ ଅଇ, ଅରୁଚି, ମାଂସପେଶୀ ଯନ୍ତ୍ରଣା ଓ ରାସ ଇତ୍ୟାଦି ଲକ୍ଷଣ ଦେଖାଯାଏ । ଅଧିକ ସଂଘାତିକ ପାର୍ଶ୍ୱ ପ୍ରତିକ୍ରିୟାରେ ଗାଉଟ୍, ଯକୃତ ବିଷକ୍ରିୟା (liver toxicity) ଓ ସୂର୍ଯ୍ୟାଲୋକ ସମ୍ବେଦନଶୀଳ ଇତ୍ୟାଦି ହୋଇପାରେ ।[୨] ଉଲ୍ଲେଖନୀୟ ଯକୃତ ରୋଗ ଓ ପରଫିରିଆ ରୋଗମାନଙ୍କରେ ଏହା ଦେବାକୁ ମନାକରାଯାଏ । ଗର୍ଭାବସ୍ଥାରେ ଏହାର ନିରାପତ୍ତା ସ୍ପଷ୍ଟ ହୋଇନାହିଁ କିନ୍ତୁ ସ୍ତନ୍ୟପାନ ସମୟରେ ଦିଆଯାଇପାରେ ।[୩] ପାଇରାଜିନାମାଇଡ ଏକ ଆଣ୍ଟିମାଇକୋବ୍ୟାକ୍ଟେରିଆଲ (antimycobacterial) ଶ୍ରେଣୀର ଔଷଧ । ଏହାର କାର୍ଯ୍ୟପ୍ରଣାଳୀ ସ୍ପଷ୍ଟ ଭାବରେ ଜଣାଯାଇନାହିଁ ।[୨]
ସନ ୧୯୩୬ରେ ପାଇରାଜିନାମାଇଡ ପ୍ରଥମେ ତିଆରି ହୋଇଥିଲା କିନ୍ତୁ ସନ ୧୯୭୨ରୁ ବହୁଳ ଭାବରେ ବ୍ୟବହାର ଆରମ୍ଭ ହୋଇଥିଲା ।[୪] ଏହାର ନାମ ବିଶ୍ୱ ସ୍ୱାସ୍ଥ୍ୟ ସଂଗଠନର ଅତ୍ୟାବଶ୍ୟକୀୟ ଔଷଧ ଚିଠାରେ (World Health Organization's List of Essential Medicines) ଅଛି ଯାହା ମୌଳିକ ସ୍ୱାସ୍ଥ୍ୟ ସିସ୍ଟମ (health system) ନିମନ୍ତେ ଅତି ମହତ୍ତ୍ୱପୂର୍ଣ୍ଣ ।[୫] ପାଇରାଜିନାମାଇଡ ଜେନେରିକ ନାମରେ ବିକ୍ରୟ ହୁଏ ।[୨] ବିକାଶଶୀଳ ଦେଶମାନଙ୍କରେ (developing world) ଏହି ଔଷଧର ଏକ ମାସର କ୍ରୟ ମୂଲ୍ୟ ୨.୭୬ ଆମେରିକୀୟ ଡଲାର ।[୬] ଯୁକ୍ତରାଷ୍ଟ୍ର ଆମେରିକାରେ ଏହାର ଏକ ମାସର କ୍ରୟ ମୁଲ୍ୟ ପ୍ରାୟ ୧୦୦ରୁ ୨୦୦ ଆମେରିକୀୟ ଡଲାର ।[୧]
Remove ads
ଆଧାର
Wikiwand - on
Seamless Wikipedia browsing. On steroids.
Remove ads