Туалтæ

Туал^[1], туалтæ кæнæ туаллæгтæ, сты ирон адæмы къабаз, Туалгомы чи цæры æмæ урдыгон мыггагæй чи у, уыдон. XX æнусы онг дзырдтой сæхи ныхасæздæхтыл, фæлæ стæй куырттатаг ныхасæздæхтмæ рахызтысты. Туаллаг мыггæгтæ сты Хетæгкатæ, Мамитæ æмæ æндæртæ. Туалтæй уыд Хетæгкаты Къоста дæр.

Мыггаджы тыххæй кæс Туаллæгтæ (мыггаг).

Ахуыргæндты фылдæры хъуыдымæ гæсгæ, туалтæ æмæ урстуалтæ равзæрдысты уыцы алантæй, кæцытæ рагон туалты цур æрцардысты, семæ схæццæ сты æмæ сын сæ ном райстой. Рагон туалты та бæттынц бынæттон кавгазаг адæмимæ. Ахæм хъуыдыйы ныхмæ ис дзурджытæ, уыдон зæгъынц æмæ рагон туаллæгтæ сæхæдæг ирайнаг адæм уыдысты, скифты кæнæ аланты хай.^[2][3][4]

Рагон туаллæгтæ бæрæг сты цалдæр равзæрæнæй:

• Птолемейы геграфийы хуыйнынц уалтæ.
• Плинийы куыстыты хуыйнынц Valli.
• VII æнусы Сомихаг Географийы.

Кæс ноджы

• Туалгом
• Урстуалтæ