ਗੀਤਾ ਮਹਿਤਾ

ਗੀਤਾ ਮਹਿਤਾ (ਜਨਮ ਪਟਨਾਇਕ ; ਜਨਮ 1943) ਇੱਕ ਭਾਰਤੀ ਲੇਖਕ ਅਤੇ ਦਸਤਾਵੇਜ਼ੀ ਫ਼ਿਲਮਮੇਕਰ ਹੈ।

ਗੀਤਾ ਮਹਿਤਾ
ਜਨਮ	1943 (ਉਮਰ 81–82) ਦਿੱਲੀ, ਬਰਤਾਨਵੀ ਭਾਰਤ
ਕਿੱਤਾ	ਲੇਖਕ, ਦਸਤਾਵੇਜ਼ੀ ਫ਼ਿਲਮਮੇਕਰ, ਪੱਤਰਕਾਰ, ਨਿਰਦੇਸ਼ਕ
ਰਾਸ਼ਟਰੀਅਤਾ	ਭਾਰਤੀ
ਅਲਮਾ ਮਾਤਰ	ਕੈਂਬਰਿਜ ਯੂਨੀਵਰਸਿਟੀ, ਯੂ.ਕੇ.
ਪ੍ਰਮੁੱਖ ਕੰਮ	ਕਰਮਾ ਕੋਲਾ (1979) ਏ ਰੀਵਰ ਸੂਤਰ (1993) ਇਟਰਨਲ ਗਣੇਸਾ (2006)
ਜੀਵਨ ਸਾਥੀ	ਸੋਨੀ ਮਹਿਤਾ (1965–2019)

ਜੀਵਨੀ

ਉੜੀਆ ਦੇ ਇੱਕ ਪ੍ਰਸਿੱਧ ਪਰਿਵਾਰ 'ਚ ਦਿੱਲੀ ਵਿਖੇ ਜਨਮੀ, ਉਹ ਬੀਜੂ ਪਟਨਾਇਕ ਦੀ ਧੀ ਹੈ, ਜੋ ਇੱਕ ਭਾਰਤੀ ਸੁਤੰਤਰਤਾ ਕਾਰਕੁਨ ਅਤੇ ਆਜ਼ਾਦੀ ਤੋਂ ਬਾਅਦ ਉਡੀਸਾ ਵਿੱਚ ਮੁੱਖ ਮੰਤਰੀ ਹੈ, ਜਿਸ ਨੂੰ ਉੜੀਸਾ ਕਿਹਾ ਜਾਂਦਾ ਹੈ। ਗੀਤਾ ਦਾ ਛੋਟੇ ਭਰਾ ਨਵੀਨ ਪਟਨਾਇਕ ਸਾਲ 2000 ਤੋਂ ਉੜੀਸਾ ਦੇ ਮੁੱਖ ਮੰਤਰੀ ਵਜੋਂ ਸੇਵਾ ਨਿਭਾਅ ਰਿਹਾ ਹੈ। ਗੀਤਾ ਨੇ ਆਪਣੀ ਪੜ੍ਹਾਈ ਭਾਰਤ ਵਿੱਚ ਅਤੇ ਯੂਨਾਈਟਿਡ ਕਿੰਗਡਮ, ਕੈਂਬਰਿਜ ਯੂਨੀਵਰਸਿਟੀ ਵਿੱਚ ਪੂਰੀ ਕੀਤੀ।^[1] ਉਸ ਨੂੰ 2019 ਵਿੱਚ ਭਾਰਤ ਦੇ ਚੌਥੇ ਸਭ ਤੋਂ ਉੱਚ ਨਾਗਰਿਕ ਪੁਰਸਕਾਰ ਪਦਮ ਸ਼੍ਰੀ ਲਈ ਚੁਣਿਆ ਗਿਆ ਸੀ, ਜਿਸਨੂੰ ਉਸਨੇ ਰਾਜਨੀਤਿਕ ਕਾਰਨਾਂ ਕਰਕੇ ਠੁਕਰਾ ਦਿੱਤਾ ਸੀ।^{[2] [3]}

ਉਸਨੇ ਯੂਕੇ, ਯੂਰਪੀਅਨ ਅਤੇ ਯੂ.ਐਸ. ਨੈਟਵਰਕ ਲਈ 14 ਟੈਲੀਵਿਜ਼ਨ ਦਸਤਾਵੇਜ਼ ਤਿਆਰ ਕੀਤੇ ਜਾਂ ਨਿਰਦੇਸ਼ਿਤ ਕੀਤੇ ਹਨ। 1970–1971 ਦੇ ਸਾਲਾਂ ਦੌਰਾਨ ਉਹ ਯੂ.ਐਸ. ਦੇ ਟੈਲੀਵਿਜ਼ਨ ਨੈਟਵਰਕ ਐਨਬੀਸੀ ਦੀ ਟੈਲੀਵਿਜ਼ਨ ਯੁੱਧ ਪੱਤਰਕਾਰ ਸੀ। ਬੰਗਲਾਦੇਸ਼ ਇਨਕਲਾਬ ਨਾਲ ਸਬੰਧਿਤ ਉਸ ਦਾ ਫ਼ਿਲਮ ਸੰਕਲਨ, ਡੇਟਲਾਈਨ ਬੰਗਲਾਦੇਸ਼, ਭਾਰਤ ਅਤੇ ਵਿਦੇਸ਼ਾਂ ਵਿੱਚ ਸਿਨੇਮਾ ਘਰਾਂ ਵਿੱਚ ਪ੍ਰਦਰਸ਼ਿਤ ਕੀਤਾ ਗਿਆ ਸੀ।

ਉਹ ਸੋਨੀ ਮਹਿਤਾ ਦੀ ਵਿਧਵਾ ਹੈ, ਜੋ ਕਿ ਐਲਫ੍ਰੈਡ ਏ. ਨੋਫਫ ਪਬਲਿਸ਼ਿੰਗ ਹਾਊਸ ਦਾ ਸਾਬਕਾ ਮੁਖੀ ਹੈ, ਜਿਸ ਨਾਲ ਉਸਨੇ 1965 ਵਿਚ ਵਿਆਹ ਕਰਵਾਇਆ ਸੀ।^[4] ਉਸ ਦੀਆਂ ਕਿਤਾਬਾਂ ਦਾ 21 ਭਾਸ਼ਾਵਾਂ ਵਿੱਚ ਅਨੁਵਾਦ ਹੋ ਚੁੱਕਾ ਹੈ ਅਤੇ ਉਹ ਯੂਰਪ, ਅਮਰੀਕਾ ਅਤੇ ਭਾਰਤ ਵਿੱਚ ਬੇਸਟ-ਸੇਲਰ ਸੂਚੀਆਂ ਵਿੱਚ ਰਹੀ ਹੈ। ਉਸ ਦੀ ਗਲਪ ਅਤੇ ਗ਼ੈਰ-ਗਲਪ ਵਿਸ਼ੇਸ਼ ਤੌਰ 'ਤੇ ਭਾਰਤ ਦੇ ਸਭਿਆਚਾਰ ਅਤੇ ਇਤਿਹਾਸ ਅਤੇ ਇਸ ਦੀ ਪੱਛਮੀ ਧਾਰਨਾ 'ਤੇ ਕੇਂਦ੍ਰਿਤ ਹੈ। ਉਸ ਦੀਆਂ ਰਚਨਾਵਾਂ ਉਸਦੀ ਪੱਤਰਕਾਰੀ ਅਤੇ ਰਾਜਨੀਤਿਕ ਪਿਛੋਕੜ ਰਾਹੀਂ ਪ੍ਰਾਪਤ ਕੀਤੀ ਸੂਝ ਨੂੰ ਦਰਸਾਉਂਦੀਆਂ ਹਨ।

ਮਹਿਤਾ ਆਪਣਾ ਸਮਾਂ ਨਿਊਯਾਰਕ ਸ਼ਹਿਰ, ਲੰਡਨ ਅਤੇ ਨਵੀਂ ਦਿੱਲੀ ਵਿਚਕਾਰ ਵੰਡਦੀ ਹੈ।

ਕੰਮ

• ਕਰਮਾ ਕੋਲਾ । ਸਾਈਮਨ ਐਂਡ ਸ਼ਸਟਰ, 1979. ^[5]
• ਰਾਜ, 1989
• ਏ ਰੀਵਰ ਸੂਤਰ (ਨਿੱਕੀਆਂ ਕਹਾਣੀਆਂ), 1993
• ਸਨੇਕਸ ਐਂਡ ਲੈਡਰਜ: ਗਲਿੰਪਸ ਆਫ ਮਾਡਰਨ ਇੰਡੀਆ, ਲੰਡਨ: ਸੇਕਰ ਐਂਡ ਵਾਰਬਰਗ, 1997.ISBN 0-436-20417-7  ^[6]
• ਇਟਰਨਲ ਗਣੇਸ਼ਾ: ਫ੍ਰਾਮ ਬਰਥ ਟੂ ਰੀਬਰਥ, ਟੇਮਜ਼ ਅਤੇ ਹਡਸਨ, 2006 ^[7]