ਪ੍ਰਿਆ ਗਿੱਲ

ਪ੍ਰਿਆ ਗਿੱਲ ਇੱਕ ਭਾਰਤੀ ਅਭਿਨੇਤਰੀ ਹੈ। ਉਸਨੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ 1996 ਵਿੱਚ ਕੀਤੀ। ਉਸ ਨੇ ਮੁੱਖ ਤੌਰ ' ਤੇ ਹਿੰਦੀ ਫਿਲਮਾਂ ਦੇ ਨਾਲ-ਨਾਲ ਇੱਕ ਹਿੱਟ ਪੰਜਾਬੀ ਫਿਲਮ (ਜੀ ਆਇਆਂ ਨੂੰ - 2002) ਅਤੇ ਮਲਿਆਲਮ, ਤਾਮਿਲ, ਭੋਜਪੁਰੀ ਅਤੇ ਤੇਲਗੂ ਫਿਲਮਾਂ ਵਿੱਚ ਹੀਰੋਇਨ ਵਜੋਂ ਕੰਮ ਕੀਤਾ ਹੈ।ਉਸਨੇ 1995 ਵਿੱਚ ਮਿੱਸ ਇੰਡਿਆ ਇੰਟਰਨੈਸ਼ਨਲ ਖਿਤਾਬ ਜਿੱਤਿਆ। ਉਹ ਮੁੱਖ ਤੌਰ ਤੇ ਹਿੰਦੀ ਫਿਲਮਾਂ “ਸਿਰਫ ਤੁਮ”, “ਤੇਰੇ ਮੇਰੇ ਸਪਨੇ” ਤੇ “ਜੋਸ਼” ਲਈ ਜਾਣੀ ਜਾਂਦੀ ਹੈ।

ਫਿਲਮੀ ਕੈਰੀਅਰ

ਪ੍ਰਿਆ ਗਿੱਲ ਨੇ ਬਾਲੀਵੁੱਡ ਕੈਰੀਅਰ ਅਮਿਤਾਭ ਬੱਚਨ ਦੀ ਕੰਪਨੀ ਏ.ਬੀ.ਪੀ.ਐਲ. ਦੁਆਰਾ ਨਿਰਮਿਤ ਸਾਲ 1996 ‘ਚ ਆਈ ਫਿਲਮ “ਤੇਰੇ ਮੇਰੇ ਸਪਨੇ “ ਨਾਲ ਸ਼ੁਰੂ ਕੀਤਾ। ਸਾਲ 1999 ‘ਚ ਸੰਜੇ ਕਪੂਰ ਨਾਲ ਆਈ ਫਿਲਮ “ਸਿਰਫ ਤੁਮ” ਬੌਕਸ ਆਫਿਸ ‘ਤੇ ਹਿੱਟ ਰਹੀ। ਜੂਨ,2000 ਵਿੱਚ ਸ਼ਾਹਰੁਖ ਖਾਨ ਤੇ ਐਸ਼ਵਰਿਆ ਰਾਏ ਨਾਲ ਆਈ ਫਿਲਮ “ਜੋਸ਼” ਨੇ ਵੀ ਰਿਕਾਰਡ ਤੋੜ ਕਮਾਈ ਕੀਤੀ। ਨਵੰਬਰ,2002 ਵਿੱਚ ਪ੍ਰਿਆ ਗਿੱਲ ਹਰਭਜਨ ਮਾਨ ਨਾਲ ਆਪਣੀ ਪਹਿਲੀ ਪੰਜਾਬੀ ਫਿਲਮ “ਜੀ ਆਇਆਂ ਨੂੰ” ਵਿੱਚ ਨਜ਼ਰ ਆਈ। ਟੀ ਸੀਰੀਜ਼ ਕੰਪਨੀ ਦੁਆਰਾ ਨਿਰਮਤ ਇਹ ਫਿਲਮ ਪੰਜਾਬੀ ਸਿਨੇਮੇ ਵਿੱਚ ਮੀਲ ਪੱਥਰ ਸਾਬਿਤ ਹੋਈ। 2006 ਵਿੱਚ ਗਿਲ ਨੇ ਐਕਟਿੰਗ ਕੈਰੀਅਰ ਨੂੰ ਅਲਵਿਦਾ ਕਹਿ ਦਿੱਤੀ।

ਫਿਲਮੋਗ੍ਰਾਫੀ

ਸਾਲ	ਫਿਲਮ	ਭੂਮਿਕਾ	ਭਾਸ਼ਾ	ਸੂਚਨਾ
1996	ਤੇਰੇ ਮੇਰੇ ਸਪਨੇ	ਪਾਰੋ ਸ਼ਾਸਤ੍ਰੀ	ਹਿੰਦੀ	ਡਿਊਟ
1998	ਸ਼ਾਮ ਘਨਸ਼ਿਆਮ	ਗੀਤਾ	ਹਿੰਦੀ
1999	ਸਿਰਫ ਤੁਮ	ਆਰਤੀ	ਹਿੰਦੀ
	ਬੜੇ ਦਿਲਵਾਲੇ	ਪਿਆ	ਹਿੰਦੀ
	ਮੇਘਮ	ਮੀਨਾਕਸ਼ੀ	ਮਲਿਆਲਮ
2000	ਜੋਸ਼	ਰੋਜੇਨ	ਹਿੰਦੀ
	ਬਗੁਨਾਰਾਂ	ਪ੍ਰਿਆ	ਤੇਲਗੂ
	ਰਾਯਲਸੀਮਾ ਰਾਮੱਨਾ ਚੌਦਰੀ	ਤੇਲਗੂ
2001	ਜੀਤਾਂਗ ਹਮ	ਹਿੰਦੀ
2002	Red	ਗਾਯਤ੍ਰੀ	ਤਾਮਿਲ
	ਜੀ ਆਇਆ ਨੂੰ	ਸਿਮਰ	ਪੰਜਾਬੀ
2003	ਰੇਖਾ ਕਾਰਗਿਲ	ਚਰੁਲਥਾ	ਹਿੰਦੀ
	ਸਰਹੱਦ ਹਿੰਦੁਸਤਾਨ ਕਾ	ਨਰਗਿਸ	ਹਿੰਦੀ
2006	ਪਿਆ ਤੂਸੇ ਨੈਨਾਂ ਲਾਗੇ	ਭੋਜਪੂਰੀ
2016	ਭੈਰਵੀ	ਭੈਰਵੀ	ਹਿੰਦੀ

ਹਵਾਲੇ