ਬੰਗਾ, ਪਾਕਿਸਤਾਨ

ਬੰਗੇ (بنگے) ਪਾਕਿਸਤਾਨ ਦੇ ਪੰਜਾਬ ਸੂਬੇ ਦੇ ਫੈਸਲਾਬਾਦ ਜ਼ਿਲ੍ਹੇ (ਜਿਸ ਦਾ ਨਾਮ ਪਹਿਲਾਂ ਲਾਇਲਪੁਰ ਸੀ) ਦਾ ਇੱਕ ਪਿੰਡ ਹੈ। ਇਹ ਸਮੁੰਦਰ ਤਲ ਤੋਂ 181 ਮੀਟਰ (597 ਫੁੱਟ) ਦੀ ਉਚਾਈ ਦੇ ਨਾਲ 31°24'0N 73°18'0E ਗੁਣਕਾਂ 'ਤੇ ਹੈ। ^[1] ਬੰਗੇ ਚੱਕ ਫੈਸਲਾਬਾਦ ਤੋਂ 20 ਕਿਲੋਮੀਟਰ ਦੂਰ ਹੈ। ਅਤੇ ਜੜ੍ਹਾਂ ਵਾਲਾ ਤੋਂ ਵੀ ਏਨੀ ਹੀ ਦੂਰੀ ਤੇ ਹੈ। ਇਹ ਸੂਬਾਈ ਰਾਜਧਾਨੀ ਲਾਹੌਰ ਤੋਂ ਲਗਭਗ 133 ਕਿ.ਮੀ. ਹੈ।^[2] ਇਹ ਭਗਤ ਸਿੰਘ ਦਾ ਜਨਮ ਸਥਾਨ ਹੈ।

ਵਿਸ਼ੇਸ਼ ਗੱਲਾਂ

ਭਗਤ ਸਿੰਘ ਦਾ ਜਨਮ ਇਸ ਪਿੰਡ ਵਿੱਚ 1907 ਵਿੱਚ ਹੋਇਆ ਸੀ। ^[3] ਪਾਕਿਸਤਾਨ ਸਰਕਾਰ ਨੇ ਇਸ ਨੂੰ ਰਾਸ਼ਟਰੀ ਵਿਰਾਸਤੀ ਸਥਾਨ ਐਲਾਨ ਕੀਤਾ ਹੈ ਅਤੇ ਪੰਜਾਬ ਸਰਕਾਰ, ਭਾਰਤ ਨੇ ਵਿਸ਼ਵ ਪੱਧਰੀ ਯਾਦਗਾਰ ਦੀ ਸਥਾਪਨਾ ਲਈ ਮਦਦ ਦੀ ਪੇਸ਼ਕਸ਼ ਕੀਤੀ ਹੈ। ^[4][5]

ਪਿੰਡ ਵਿੱਚ 23 ਮਾਰਚ ਨੂੰ ਭਗਤ ਸਿੰਘ ਦੀ ਬਰਸੀ ਤੇ ਸਲਾਨਾ ਯਾਦਗਾਰੀ ਮੇਲਾ ਲੱਗਦਾ ਹੈ। ^[4]